News
Լրահոս
News
Կիրակի
Սեպտեմբեր 22
USD
476.13
EUR
525.98
RUB
7.47
ME-USD
0.08
Տեսնել լրահոսը

Հարավային Կորեայի իշխանությունները հայտարարել են ներքին շուկայում Audi, Volkswagen եւ Porsche ընկերությունների ավտոմեքենաների մի շարք մոդելների իրացումն արգելելու մտադրության մասին՝ կապված մթնոլորտ արտանետումների նորմերի խախտումների հետ, հայտնում է «ՌԻԱ Նովոստի»-ն՝ վկայակոչելով Հարավային Կորեայի շրջակա միջավայրի նախարարության մամուլի հաղորդագրությունը:

Արգելքը կտարածվի դիզելային շարժիչով հագեցած ավտոմեքենաների վրա, մասնավորապես՝ 2014-2018 թվականների արտադրության Audi A6 40 TDI Quattro-ի, Audi A6 50 TDI Quattro-ի, Audi A7 50 TDI Quattro-ի, Volkswagen Touareg V6 3.0 TDI BMT-ի, Volkswagen Touareg 3.0 TDI 4 Motion-ի եւ Porsche Cayenne-ի:

Այս միջոցառումը ձեռնարկվել է այն բանից հետո, երբ մասնագետները պարզել են, որ ավտոարտադրողները միջամտել են արտանետումների հաղորդիչների աշխատանքին, ինչի հետեւանքով ցուցանիշները նվազեցվել են, իսկ ավտոմեքենաները ստացել են իրացման համար անհրաժեշտ լիցենզիան: Սակայն, ինչպես պարզվել է, իրականում ազոտի օքսիդի մթնոլորտ արտանետումների ծավալը 10 անգամ գերազանցել է հաստատված նորմերը:

Նշված մոդելների վաճառքի արգելքից բացի, նախարարությունը նախատեսում է նաեւ ավտոարտադրողներին տուգանել մինչեւ 6,5 մլն դոլարով եւ դատախազություն հայց ներկայացնել Հարավային Կորեայում ընկերությունների գործունեության հետաքննություն սկսելու համար:

!
Այս նյութը հասանելի է նաև   Русский
Տպել
Կարդացեք նաև
Ամբողջը