«Կանեփ-կակաչ-2019» համալիր օպերատիվ-կանխարգելիչ միջոցառման շրջանակներում, օգոստոսի 20-ին ոստիկանության Գյումրի քաղաքի Կումայրիի բաժնի ծառայողներն օպերատիվ տեղեկություններ են ստացել, որ Գործարանային նրբանցքի բնակիչ 31-ամյա տղամարդն ապօրինի պահում, պատրաստում եւ օգտագործում է կանեփ տեսակի թմրամիջոց:
Ոստիկանության ԿՀԴՊ ԳՎ թմրամիջոցների անօրինական շրջանառության դեմ պայքարի եւ Շիրակի մարզային վարչությունների ծառայողների հետ համատեղ, թմրանյութ պահելու եւ օգտագործելու կասկածանքով նույն օրը, ժամը 18.35-ին, Կումայրիի քրեական հետախույզները բերման են ենթարկել տղամարդուն:
Նրա անձնական խուզարկությամբ հայտնաբերվել եւ առգրավվել է 63,3 գրամ կշռով յուրահատուկ հոտով կանաչավուն, կիսաչոր զանգված եւ կաթոցիչ: Նա հայտնել է, որ հայտնաբերվածը պատկանում է իրեն, քաղել է նույն օրը «Ձորի մայլա» կոչվող թաղամասում վայրի աճած կանեփի թփերից՝ հետագայում անձամբ օգտագործելու համար:
Նշանակվել է դատաքիմիական փորձաքննություն:
Նախապատրաստվում են նյութեր:
