Օգոստոսի 21-ին Ոստիկանության Երևան քաղաքի վարչություն են բերման ենթարկել մի Երևան քաղաքի 50-ամյա մի բնակչի, որը կասկածվում է «օրենքով գող» Մասիվցի Անդիկ մականվամբ Անդրանիկ Հարությունյանին հրազենով սպանելու մեջ, հայտնում է Shamshyan.com-ը։
Բերման ենթարկված անձը քննիչի որոշմամբ ձերբակալվել է:
Աղբյուրի տեղեկություններով՝ ոստիկաններն ու քննիչները պարզել են նաև սպանություն կատարողի ինքնությունը, որը Ռուսաստանի Դաշնության 30-ամյա մի քաղաքացի է:
Հիշեցնենք, որ Անդրանիկ Հարությունյանը մահացու հրազենային վնասվածքներ է ստացել 2019 թվականի հուլիսի 2-ին՝ Նոր Նորքի 5-րդ զանգվածի շենքերից մեկի բակում: Հարությունյանի դիակի վրա առկա է 4 հրազենային վնասվածք, որոնցից մեկը՝ դեմքին։
Դեպքի առթիվ հարուցվել է քրեական գործ՝ ՀՀ քրեական օրենսգրքի 104-րդ հոդվածի 1-ին մասի (սպանություն) և 235-րդ հոդվածի 1-ին մասի (ապօրինի կերպով զենք–զինամթերք պահելը) հատկանիշներով:Սպանությունը մինչ օրս, սակայն մնում է չբացահայտված:
