Հայաստանի ԱԻՆ-ում, օգոստոսի 23-ին, ժամը 14:53-ին «911» ծառայությանն ահազանգ է ստացվել, որ Վայոց ձորի մարզի Հերմոն գյուղում այրվում է անտառածածկ տարածք:
Դեպքի վայր են մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երեք մարտական հաշվարկ եւ մեկ օպերատիվ խումբ, մարզային ճգնաժամային կառավարման կենտրոնից երեք օպերատիվ խումբ:
Հրդեհաշիջման աշխատանքներին մասնակցել են 41 փրկարար, ՊՆ թիվ N զորամասից 46 զինծառայող, Հերմոն եւ Գլաձոր գյուղերից 11 բնակիչ եւ «Հայանտառ» ՊՈԱԿ-ի Վայոց ձորի անտառտնտեսության մասնաճյուղի 21 աշխատակից:
Մթության պատճառով հրդեհաշիջման աշխատանքները դադարեցվել են. սահմանվել է հերթապահություն:
Կտրվի լրացուցիչ տեղեկություն:
