Իրանը միջուկային համաձայնագրին վերադառնալու եւ իր միջուկային գործունեության մասին երկխոսությունը վերսկսելու հնարավորություն ունի։ Այս մասին ասել է Մեծ Բրիտանիայի վարչապետ Բորիս Ջոնսոնը, տեղեկացնում է Reuters-ը։
«Ոչ մի իրադրությունում չի կարելի թույլ տալ Իրանին միջուկային զենք ստանալ»,- ասել է Ջոնսոնը Բիարիցի մամուլի ասուլիսում։ «Այժմ Իրանն, անշուշտ, հնարավորություն ունի վերադառնալու միջուկային գործարքի կատարմանը... եւ վերսկսելու երկխոսությունը, ինչպես նաեւ դադարեցնելու իր կործանարար վարքագիծը տարածաշրջանում»։
Ավելի վաղ ԱՄՆ նախագահ Դոնալդ Թրամփն ասել էր, որ կհանդիպի Իրանի նախագահի հետ ճիշտ հանգամանքներում, որպեսզի վերջ դնի առճակատմանը 2015 թվականի միջուկային գործարքի առիթով։
