ԵՄ արտաքին գործերի եւ անվտանգության քաղաքականության գերագույն հանձնակատար Ֆեդերիկա Մոգերինին կարծում է, թե ժամանակն է, որ Եվրամիության երկրները վերացնեն Կոսովոյի համար վիզաները: Ուրբաթ նա այսպիսի կարծիք է հայտնել Հելսինկիում միության ԱԳ նախարարների ոչ պաշտոնական հանդիպման արդյունքներով կայացած մամուլի ասուլիսում, փոխանցում է ՏԱՍՍ-ը:
«Ես Եվրոպական խորհրդին (ԱԳ նախարարների մակարդակով) հայտարարել եմ, որ այս որոշումն ընդունելու ժամանակն է: Ես վստահ եմ ժամանակն է, որ Կոսովոյի քաղաքացիները կարողանան դրանից օգտվել, քանի որ վիզաների վերացման համար բոլոր պահանջները կատարվել են»,- հայտարարել է նա:
