Կիպրոսի Լառնակա քաղաքում մնացած ՀՀ քաղաքացիները լուսադեմին վերադարձել են Հայաստան: Այս մասին NEWS.am-ին հայտնեց Կիպրոսում մնացած քաղաքացիներից Քրիստինե Մնացականյանը:
«Լուսադեմին մենք հայկական անձնակազմով ինքանթիռով հասել ենք Երեւան, տուրօպերատորի հետ կապ չենք հաստատել: Բոլոր ուղեւորները այդ ինքնաթիռով վերադարձել են»,-ասաց նա:
Ավելի վաղ հայտնել էինք, որ ՀՀ քաղաքացիները, ովքեր մեկնել էին հանգստանալու, մնացել են Կիպրոսի Լառնակա քաղաքում: Հայաստանի ավիաընկերությունը՝ «Սպուտնիկ թրեվլը», որը պետք է նրանց վերադարձներ Հայաստան, իրենց զանգերին չի պատասխանում:
