News
Լրահոս
News
Երկուշաբթի
Սեպտեմբեր 28
USD
485.27
EUR
565.05
RUB
6.28
ME-USD
0.01
Տեսնել լրահոսը

Սան Ֆրանցիսկո քաղաքի իշխանությունները ԱՄՆ Ազգային հրաձգային ասոցիացիան (NRA) անվանել են ներքին ահաբեկչական կազմակերպություն։ Այս որոշումը միաձայն ընդունել է Սան Ֆրանցիսկոյի քաղաքային խորհուրդը, տեղեկացնում է BBC-ն։

NRA-ը ամենաազդեցիկ կազմակերպությունն է, որը միավորում է հրազենային զենք պահելու եւ կրելու իրավունքի կողմնակիցներին։

Վերջին տասնամյակներին ասոցիացիան, որտեղ, ըստ նրա սեփական պնդման, որը ճշտված չէ անկախ աղբյուրների կողմից, 5 մլն մարդ կա, առավելագույն լայն մեկնաբանություն է տվել ամերիկյան սահմանադրությունում ամրագրված զենք ունենալու իրավունքին եւ դեմ է հանդես եկել այդ իրավունքի սահմանափակման ցանկացած դրսեւորմանը։

Հուլիսին  Գիլռոյի սխտորի փառատոնի ժամանակ տեղի ունեցավ հրաձգություն, որի հետեւանքով սպանվեց երեք մարդ։ Այդ ողբերգության պատճառով էլ քաղաքային խորհուրդը որոշեց դատապարտել NRA-ին։

Խորհրդի բանաձեւում ասվում է, որ հրազենային զենքի կիրառմամբ կատարվող բռնությունը իսկական աղետ է ԱՄՆ-ի համար, իսկ NRA-ն օգտագործում է իր ոչ աննշան կարողությունն ու կազմակերպչական հզորությունը զենք ունենալը հանրահռչակելու համար եւ զենք ունեցողներին դրդում է կատարել բռնության ակտեր։

«Բոլոր երկրներում կան մարդիկ, ովքեր լի են ատելությամբ եւ ունակ բռնություն գործելու, բայց միայն ԱՄՆ-ում ենք մենք հասանելի դարձնում մարտական զենքը եւ (ավտոմատ զենք) վաճառող խանութները, հիմնականում Ազգային հրաձգային ասոցիացիայի շնորհիվ»,- ասվում է բանաձեւում։

Օրինագիծը քաղաքին կոչ է անում վերանայել կապերն ընկերությունների հետ, որոնք բիզնես են վարում NRA-ի հետ։

Ասոցիացիան ի պատասխան՝ Սան Ֆրանցիսկոյի քաղաքի խորհրդի որոշումն անվանել է անհեթեթ հնարք, որը կոչված է շեղելու ուշադրությունը քաղաքի իսկական խնդիրներից։ Դրանք, ի թիվս այլ խնդիրների, անօթեւանների թվի ավելացումն է, թմրանյութերի օգտագործումն ու մանր հանցագործությունների կտրուկ աճը, նշել են NRA-ում։

!
Այս նյութը հասանելի է նաև   Русский
Տպել
Կարդացեք նաև
Ամբողջը
ԱՄՆ Ռազմածովային ուժերը ստեղծել են երկու նոր միջոց ահաբեկչության դեմ պայքարի համար
Երկու միջոցներն էլ թույլ են տալիս դադարեցնել մոտեցող կասկածելի նավը կամ ջրային մոտոցիկլետը՝ չառաջացնելով մարդկային զոհեր…
Հայտնի է սեպտեմբերի 11-ի ահաբեկչության հեղինակը
Սակայն ի սկզբանե նման ծրագիր է առաջարկել եգիպտացի մի օդաչու․․․
Ստեփանակերտ. Ադրբեջանը գրկաբաց ընդունում է ԻՊ ահաբեկիչներին
«Ղարաբաղի հետ Քրդական բանվորական կուսակցության կապերի մասին խոսակցությունները Ադրբեջանի սիրված մուղամ շլյագերն է: Բնականաբար, դա ոչ այլ ինչ է, քան ...
Նյու Յորքի երկնքում 2 լուսային սյուն է հայտնվել՝ ի հիշատակ սեպտեմբերի 11-ի ահաբեկչության զոհերի
Հայաստանը շարունակելու է օգտագործել միջազգային մեխանիզմներն ու հարթակները ահաբեկչության դեմ պայքարի հարցում. Մակունց
Հայ ժողովուրդը, ինչպես աշխարհի առաջադեմ հանրությունը, նույնպես դատապարտում է ահաբեկչությունը և վստահ է, որ ահաբեկչությունը սահմաններ...
Կրասնոյարսկում 15-ամյա դեռահաս է ձերբակալվել դպրոցում ահաբեկչություն պատրաստելու կասկածանքով