News
Լրահոս
News
Երկուշաբթի
Սեպտեմբեր 23
USD
476.13
EUR
525.98
RUB
7.47
ME-USD
0.08
Տեսնել լրահոսը

Պաշտպանության նախարարի մամուլի խոսնակ Արծրուն Հովհաննիսյանը պարզաբանում է տարածել՝ կապված ՊՆ կողմից ցեմենտի գնման գների հետ:

Նա, մասնավորապես, նշել է. «Երեկ ՀՀ Ազգային Ժողովում, ՀՀ ՊՆ կողմից ձեռք բերվող ցեմենտի գնի մասին, բարձրացված հարցի վերաբերյալ:

2019 թվականի գարնանը ՀՀ ԱԺ պատգամավորի կողմից ՀՀ Ազգային Ժողովում հայտարարվեց, որ ՀՀ-ում ցեմենտի բացթողնման գինը 1 տոննայի համար 50000 դրամից նվազեցրել է 40000 դրամի՝ որպես տնտեսական հեղափոխության 1-ին քայլ: Սակայն աշխատանքային կարգով ճշգրտման արդյունքում պարզվել է, որ մինչեւ 2018 թվականի դեկտեմբերի 31-ը ցեմենտի բացթողնման գինը 1 տոննայի համար կազմել է 54 000, իսկ 2019 թվականի հունվարի 1-ից առ այսօր կազմում է 44 000 դրամ:

ՀՀ ՊՆ 2019 թվականի գնումների պլանում ցեմենտի գնման ձեւը նախատեսվել էր էլեկտրոնային աճուրդ: Սակայն 2019 թվականի փետրվարին էլեկտրոնային աճուրդի համակարգը ամբողջությամբ խափանվեց եւ հնարավոր չեղավ կազմակերպել ցեմենտի գնման գործընթացը:

Արդյունքում նախաձեռնվել է գնումների պլանի փոփոխություն, որում գնման հրատապությունից ելնելով գնման ձեւը նախատեսվել է հրատապ մեկ անձ: Հարկ է նկատել, որ այդ գնման ձեւի դեպքում գնումը կրկին կազմակերպվելու է էլեկտրոնային գնումների համակարգի միջոցով, որին հնարավորություն ունեն մասնակցելու բոլոր ցանկացողները: Այսինքն՝ տվյալ գնման ձեւը նույնպես հանդիսանում է մրցակցային ձեւ՝ ուղղակի շատ կարճ ժամկետներով, որին մասնակցելու հնարավորություն ունի ցանկացած անձ:

Գնումների պլանի փոփոխությունից հետո 2019 թվականի ապրիլին կազմակերպվել է գնման գործընթաց, որին մասնակցել են թվով 3 կազմակերպություն, որոնցից ամենացածր գնային առաջարկ ներկայացրած մասնակցի՝ հետ 2019 թվականի մայիսի 15-ին կնքվել է 1տ.-ի արժեքը 48000 դրամով ցեմենտի գնման պայմանագիր: Ընդ որում, նշված գնմանը կարող էր մասնակցել նաեւ արտադրող գործարանը, սակայն վերջինս մասնակցություն չի ունեցել:

Արարատում պահեստ ունենալու վերաբերյալ հարցադրման մասով տեղեկացվում ենք, որ վերոհիշյալ գնման ընթացակարգի հրավերում, որը հրապարակված է նաեւ www.procurement.am կայքում, նման պահանջ սահմանված չէ, այլ նշվել է, որ մատակարարը պետք է նշի իր պահեստի հասցեն, որպեսզի պատվիրատուն՝ ՀՀ ՊՆ տեղեկանա, թե որտեղից է բարձելու եւ համապատասխան զորամաս տանելու ցեմենտը, քանի որ հրավերով նախատեսվել է, որ ցեմենտի տեղափոխումը զորամասեր կատարվելու է ՀՀ ՊՆ միջոցներով:

Մատակարար ընկերության՝ ընդամենը 2 աշխատակից ունենալու վերաբերյալ հարցադրման կապակցությամբ տեղեկացնում ենք, որ նկատի ունենալով գնումների մասին ՀՀ օրենսդրությամբ նախատեսված սահմանափակումները, գնման ընթացակարգի հրավերով չի սահմանվել մասնակիցների առնվազն ինչ որ քանակի աշխատակիցներ ունենալու պահանջ: Ավելին՝ նկատի ունենալով, որ ցեմենտի տեղափոխումը զորամասեր իրականացվելու է ՀՀ ՊՆ միջոցներով, մատակարարի աշխատակիցների թվաքանակի վերաբերյալ տեղեկատվության ճշտման անհրաժեշտությունն ընդհանրապես բացակայում է:

Կից ներկայացվում է նաեւ նախորդ 3 տարիներին ՀՀ ՊՆ կողմից ցեմենտի գնման վերաբերյալ համեմատական վերլուծականը:

2016թ. մեկ տոննա ցեմենտի գինը 56.000 դրամ:

2017թ. մեկ տոննա ցեմենտի գինը 56.000 դրամ:

2018թ. մեկ տոննա ցեմենտի գինը 56.000-58.000 դրամ:

2019թ. մեկ տոննա ցեմենտի գինը 48.000 դրամ:

Տպել
Կարդացեք նաև
Ամբողջը
Վարչապետի պահվա՞ծք է խռովելը. զոհված զինծառայողների հարազատները դժգոհ են Փաշինյանի հետ հանդիպումից
Զոհված զինծառայողների ընտանիքի անդամները ժամանակավորապես դադարեցրեցին ցույցը կառավարության դիմաց...
Ես որպես վարչապետ ամաչում եմ, որ այսպիսի հարց ենք քննարկում. Փաշինյանը՝ զոհված զինծառայողների հարազատներին
Վարչապետը նշեց, որ «1000 դրամների» հիմնադրամի կողմից վճարվող դեպքերը հասցնել մինչեւ 1990-ականներ...
Զոհված զինծառայողների մայրերը խնդրում են իրենց չկապել քաղաքական ուժերի հետ. Նրանք Պապիկյանին թույլ չտվեցին ներս մտնել
Ես համոզվեցի, որ բանակում չծառայած կառավաությունը չի կարող բանակի գինը իմանա, զոհված զինվորի գինն իմանալ...
«Դավիթ Անանյանը պետք է ինձնից ծնկաչոք ներողություն խնդրի». զոհված ազատամարտիկի այրի
Մեր հարցին, թե պատասխան չունե՞ք, ասաց ոչ, պատասխանը միայն, որ զոհվածի կնոջը գրկեցի…
«Զինվոր» ՀԿ համակարգող խորհրդի նախագահ Մ. Խաչատրյանը անժամկետ հացադուլի նստեց կառավարության շենքի մոտ
Նրա խոսքով, այս պահին կառավարության շենքի մոտ են գտնվում իր ղեկավարած կազմակերպության շատ քիչ անդամներ…
Բողոքի ակցիա կառավրության շենքի մոտ. Զոհված զինծառայողների մայրերը պատրաստ են հացադուլ անել
Նա նշեց, որ իրենք ակնկալում են, որ կառվարության այսօրվա նիստում որոշում կկայացվի եւ բոլոր զոհվածներին կհատկացվի 30 մլն դրամ…