ՀՀ ԱԳՆ-ը մեկնաբանել է ԱՄՆ նախագահ Դոնալդ Թրամփի ազգային անվտանգության հարցերով խորհրդականի պաշտոնից Ջոն Բոլթոնի հեռացումն ու դրա հնարավոր ազդեցությունը հայ-ամերիկյան հարաբերությունների վրա:
«ԱՄՆ-ի հետ տարբեր մակարդակներով ակտիվ երկխոսություն ենք վարում եւ պատրաստ ենք շարունակել այդ երկխոսությունը»,- այսօր ճեպազրույցի ժամանակ հայտարարեց ՀՀ ԱԳՆ մամուլի խոսնակ Աննա Նաղդալյանը:
Նրա խոսքով՝ ԱՄՆ-ի հետ հարաբերություններն անձերով պայմանավորված չեն եւ ինստիտուցիոնալ բնույթ են կրում: