News
Լրահոս
News
Չորեքշաբթի
Սեպտեմբեր 30
USD
487.62
EUR
570.03
RUB
6.14
ME-USD
0.01
Տեսնել լրահոսը

Երբեք որեւէ մեկի հետ պայմանավորվածություն չեմ ունեցել. ստվերում, ժողովրդի թիկունքում ինչ-որ բան անելը նշանակում է, որ եթե ձեր ասածի թեկուզ 1 տոկոսը ճշմարտություն լինի, իմ ողջ կյանքն ու գործունեությունը անիմաստն են, անիմաստ եմ ապրել։ Այս մասին այսօր՝ սեպտեմբերի 16-ին, լրագրողների հետ հանդիպմանն ասաց ՀՀ վարչապետ Նիկոլ Փաշինյանը՝ պատասխանելով հարցին՝ արդյոք ինքը ՀՀ երրորդ նախագահ Սերժ Սարգսյանի հետ ունի պայամանավորվածություն. ընդդիմախոսները պարբերաբար մեղադրում են իրեն, որ նախորդների գործունեությանը քաղաքական գնահատական տալուց խուսափում է։

«Ավելի մեծ անհեթեթություն դժվար է ասել։ Հայաստանի նախորդ իշխանությանը գնահատական տրված է, եւ այդ գնահատականը եղել է Հայաստանում տեղի ունեցած հեղափոխությունը եւ Հայաստանում շարունակվող հեղափոխությունը։ Հիշում եք, որբ 1998 թվականին տեղի ունեցավ իշխանափոխություն՝ էլի այդ հարցը արծածվում էր նախորդ հանցավոր ռեժիմին գնահատական տալու այդ պրոցեսը շատ մեծ թափով սկսվեց, եւ արդյունքում ավարտվեց Բաղրամյան 26-ի կայքում տեղադրված մի քանի էջանոց փաստաթղթով, որտեղ ասվում էին բաներ, որը հայտնի են, եւ, որը, որ ոչինչ չբերեց։ Մեզ ուրիշ բանի համար էլ են քննադատում, մեզ ասում են շատ եք քննադատում նախկինների չարածների վրա։ Բա էս ամեն ինչը ներկայացնում են, ի՞նչ է, եթե ոչ նախորդ իշխանության գնահատական։ Զինվորների սննդի կարգը փոխելն ի՞նչ է, եթե ոչ նախորդ իշխանության գնահատական։ Ես նախորդ իշխանության գնահատականը նո՞ր պիտի տամ»,- ասաց Փաշինյանը։

Վարչապետի խոսքով՝ նախորդ իշխանության գնահատականն ինքը տվել է իր ողջ քաղաքական գործունեության ընթացքում. «Եվ ասել եմ, որ դա կոռումպացված ռեժիմ է, որը թալանել է երկիրը, եւ որի թալանածը կոպեկ առ կոպեկ պետք է հետ բերենք, այդ թվում նաեւ օրենսդրական որոշակի փոփոխությունների արդյունքում»։

Փաշինյանն ասաց, որ այդ լուրերը ժամանակ առ ժամանակ կարող են շրջանառության մեջ դրվել Հայաստանի քաղաքական պրոցեսներում, սակայն ինքը երբեք որեւէ մեկի հետ պայմանավորվածություն չի ունեցել. «Ես երբեք ինձ որեւէ պայմանավորվածությամբ չեմ կաշկանդել իմ հրապարակային գործունեության առաջին օրից, եւ ժամանակը դա ցույց է տվել։ Այն ժամանակ ընդդիմադիրների մի մասն էր ինձ մեղադրում, ասում էին, որ ես բանտից պայմանավորվածությունով եմ դուրս եկել։ Ինտերնետում փնտրեք՝ տասնյակ այդպիսի հոդվածներ կգտնեք։ Ես իմ ողջ քաղաքական գործունեության ընթացքում պայմանավորվածություն ունեցել եմ մի սուբյեկտի հետ եւ այդ սուբյեկտը Հայաստանի ժողովուրդն է, եւ այդպես լինելու է միշտ։ Ստվերում, ժողովրդի թիկունքում ինչ-որ բան անելը նշանակում է, որ ես ինքս արձանագրում եմ, որ եթե ձեր ասածի թեկուզ 1 տոկոսը ճշմարտություն լինի, իմ ողջ կյանքն ու գործունեությունը անիմաստն են, անիմաստ եմ ապրել»։

!
Այս նյութը հասանելի է նաև   English
Տպել
Կարդացեք նաև
Ամբողջը
«Հրապարակ». Պատերազմը միավորեց. Նախկիններն ակտիվացել են
Իրականում, այս օրերին մեծ թվով նախկիններ, որոնք շատ են տուժել Փաշինյանի իշխանությունից...
«Հրապարակ». «Մերժվածը». Սերժ Սարգսյանի ընկեր Լեւոն Յոլյանի ընկերոջ փեսան՝ «Իմ քայլի» թեկնածու
Իշխանականները հայտարարում էին, որ թեկնածուն արժանի չէ իրենց վստահությանը։ Ավելի ուշ հայտնի դարձավ, որ...
«Ժողովուրդ». Ինչու Գլխավոր դատախազությունը ընթացք չի տալիս նախկին պաշտոնյաների դիմումներին
Եվ չնայած Արցախում լարվածության հենց առաջին օրն էր Գլխավոր դատախազություն դիմել ՀՀ նախկին գլխավոր դատախազ Գեւորգ...
«Հրապարակ». «Դա ֆեյք է, բայց «ըստ օդում կախված լուրերի՝ իմքայլական պատգամավոր Արփի Դավոյանն է». Զոհրաբյան
Ես եւ ԲՀԿ-ն շարունակում ենք հավատարիմ մնալ մեր խոսքին...
«Հրապարակ». ՍԴ նախագահի և փոխնախագահի հարցը՝ հաջորդ ժամկետում. Հիմա այլ հարցեր կան
ՍԴ-ում որոշել են, սահմանային իրավիճակով պայմանավորված, առաջիկա օրերին նիստ հրավիրել եւ քննարկել մի քանի համաձայնագրեր...
«Ժողովուրդ». Հայաստանի չորս ղեկավարների հանդիպումը՝ կարևոր. երբ նրանք կկանգնեն մեկ հարթակին
Բայց համաձայնեք, որ այդ իրավիճակը չի կարող գոհացուցիչ լինել, քանի դեռ մեր երկրի...
Ամենաշատ