ՀՀ ԱԻՆ ՓԾ ճգնաժամային կառավարման ազգային կենտրոնում սեպտեմբերի 9-ից 15-ը գրանցվել է 429 դեպք, որից 222-ը՝ արտակարգ:
Նշված ժամանակահատվածում արձանագրվել է 149 կենցաղային կանչ, 131 հրդեհի ահազանգ, 66 ճանապարհատրանսպորտային պատահար, որի հետեւանքով զոհվել է 2 եւ տուժել 86 մարդ, իսկ փրկարարական օպերատիվ գործողությունների արդյունքում՝ փրկվել 5 քաղաքացի:
Քաղաքացիներն արձանագրել են օձերի նկատման 25 դեպք, որից 11-ում փրկարարները օձեր են հայտնաբերել:
Շաբաթվա ընթացքում արձանագրվել է թունավորման 4 դեպք, տուժել է 7 քաղաքացի:
ՀՀ ԱԻ նախարարությունը հորդորում է թե՛ կենցաղում, թե՛ ճանապարհներին լինել զգոն եւ խստորեն պահպանել անվտանգության կանոնները:
