News
Լրահոս
News
Հինգշաբթի
Հոկտեմբեր 24
USD
475.99
EUR
528.92
RUB
7.45
ME-USD
0.07
Տեսնել լրահոսը

Առկա իրավիճակի համատեքստում ուժային կառույցների ղեկավարների հրաժարականները վկայում են, որ պետական կառավարման համակարգի ճգնաժամը խորանում է, իսկ ԱԱԾ տնօրեն Արթուր Վանեցյանի հրաժարականի դեմարշային բովանդակությունը եւ դրա նկատմամբ 5-րդ շարասյան  աջակցող դիրքավորումը եւս մեկ անգամ ապացուցում են, որ եղել է եւ կա ռեւանշի դավադիր պլան եւ որ այդ պլանը ձախողման վտանգի առաջ է կանգնած: Այս մասին հայտարարություն է տարածել «Սասնա ծռեր» կուսակցությունը:

Հայտարարությունում նաեւ ասվում է.

«Ազգային անվտանգության ծառայության տնօրենի եւ Ոստիկանության պետի պաշտոնները քաղաքական դարձնելը ճգնաժամը հաղթահարելուն եւ ռեւանշը չեզոքացնելուն ուղղված ողջունելի, սակայն շատ մասնակի քայլ է, որը բավարար չէ այդ հույժ կարեւոր կառույցների գործառույթներն ազգայնացնելու եւ դրանք ՀՀ ինքնիշխանությանն ու իրավակարգի պահպանմանը ծառայեցնելու համար:

Ամբողջ պետական կառավարման համակարգը արմատական բարեփոխման կարիք ունի: Հատկապես խնդրահարույց է ԱԱԾ եւ Ոստիկանության հետ կապված վիճակը: Առաջին հերթին հարկավոր է այս կառույցները զատել խորհրդային ժառանգությունից եւ զտել հակապետական ու կոռումպացված կադրերից,  համապատասխանեցնել ներկայիս մարտահրավերներին եւ ենթարկեցնել քաղաքական ու քաղաքացիական  վերահսկողության:

Խիստ մտահոգիչ է վիճակը նաեւ մյուս բոլոր ոլորտներում:

Մեր ազգի եւ պետության առջեւ ծառացած բարդ ու դժվարին խնդիրները լուծելու, այդ թվում՝ բոլորիս աչքի առաջ մոբիլիզացվող ռեւանշը չեզոքացնելու համար անհրաժեշտ է, որ բոլոր ազգային-ժողովրդավարական ուժերն ու ամբողջ քաղաքացիական հասարակությունը գործող իշխանության հետ միասին համախմբվեն եւ համաձայնեցված քայլերով երկրում ձեւավորեն ճգնաժամի հաղթահարման եւ հետագա զարգացման նախադրյալներ ու պայմաններ:

Ազգային անվտանգության ապահովման եւ պետության ապագայի երաշխավորման համար կենսականորեն անհրաժեշտ այս գործընթացի հաջողության հիմնական պատասխանատուն գործող իշխանությունն է:

Ուստի գործող իշխանությանը հորդորում ենք ներկայիս առօրեական տրամաբանության փոխարեն այլեւս գործել հասունացող ռեւանշը չեզոքացնելու համար անհրաժեշտ արտակարգ լուծումների դիմելու տրամաբանությամբ, ցուցաբերել առավելագույն լայնախոհություն եւ ապահովել հնարավորինս մեծ ներառականություն, ինչի համար այս փուլում առնվազն պետք է՝

համակարգային, հետեւողական, կտրուկ եւ արդյունավետ քայլերով խափանել 5-րդ շարասյան ռեւանշը,

անհապաղ դադարեցնել ազգային համախմբմանը խոչընդոտող ու հակառակորդի ջրաղացին ջուր լցնող, առաջին հերթին՝ Ամուլսարի հանքի շահագործմանը միտված, գործողությունները,

ճգնաժամային խնդիրների եւ բոլոր ռազմավարական հարցերի լուծման համար անցկացնել հանրաքվեներ կամ կիրառել ուղիղ ժողովրդավարության այլ միջոցներ,

ԱԱԾ եւ Ոստիկանության ղեկավարների պաշտոններում նշանակել այդ կառույցների հետ չկապված, իրենց կենսագրությամբ հանրային հիշողության մեջ բացասական հետք չթողած եւ պետական ինքնիշխանությունը պահպանելու հարցում վստահություն ներշնչող անձանց:

Տպել
Կարդացեք նաև
Ամբողջը
Քաղաքական պատվերով թելադրված անհիմն գործ է.Արա Սաղաթելյանը՝ Բաբլոյանի և Բաբայանի քրգործի մասին
Նախ պետք է ասեմ, որ թե՛ Արա Բաբլոյանը, թե՛ Արսեն Բաբայանը ազնիվ և պարկեշտ մարդիկ են ու նրանց այս արհեստածին գործում ներգրավելու համար պետք....
«Հրապարակ».«Ցավն այն է, որ իրավաբաններից ոմանք սկսեցին դատարաններ շրջափակելը համարել ժողովրդավարության դրսեւորում»
Որովհետեւ ես չէի կարող, ես բարոյական իրավունք չունեի, երբ դատարանները շրջափակեցին...
«Ժամանակ». Ուշագրավ նշանակում ՊԵԿ-ում. կաշառքից համար աշխատանքից ազատվածը բարձր պաշտոն է ստացել
ՊԵԿ մաքսանենգությանը դեմ պայքարի վարչության Զվարթնոցի բաժնի պետք է նշանակվել...
«Հրապարակ». Վարագ Սիսեռյանը «լվացել է ձեռքերը». Նա նեղացած է
Սիսեռյանն ասաց, որ որոշել է այլեւս չխառնվել...
«Փաստ». Ֆելիքս Ցոլակյանն իր նպատակին հասավ
Եվ քանի որ «նոր Հայաստանում» իշխանավորների բոլոր երազանքներն իրականանում են…
«Հրապարակ». Արսեն Բաբայանի դեմ «ցուցմունք տված» անձը ոչինչ չի հիշում
ԱԺ ընդհանուր բաժնի նախկին պետը պնդում է, որ ՍԴ գրության վերաբերյալ Արսեն Բաբայանից որեւէ հրահանգ չի ստացել...
Ամենաշատ