News
Լրահոս
News
Երեքշաբթի
Մարտ 19
Տեսնել լրահոսը


Իշխանությունները հակաօրինական ճանապարհով, հետեւողական քայլերով փորձում են յուրացնել դատական իշխանությունը. սա մեր հստակ գնահատականն է, որի մասին մի քանի անգամ արդեն բարձրացնել ենք։ Այս մասին NEWS.am-ի հետ զրույցում նշեց ՀՅԴ ԳՄ ներկայացուցիչ Իշխան Սաղաթելյանը:

Նրա խոսքով, եթե տեղի է ունենում հակաօրինական գործողություն, դրան հետեւում է նայեւ իրավական հետեւանքը. «Մենք գտնում ենք, որ Ազգային ժողովի մեծամասնությունը, այսինքն «Իմ քայլը» խմբակցությունը ու Ազգային ժողովի նախագահի իրականացրած քայլը եւ խմբակցության ղեկավարի, դրանք հակաօրինական, դատական իշխանությանը ճնշելու, սեփական դատական համակարգի ունենալու կոչեր են, որոնք իրենք հաճախ փորձում են քողարկել հանրային պահանջի, բարեփոխումների, արդարադատության հաստատելու քողի տակ։

Դատական իշխանության նկատմամբ օրենսդիրը, այդ թվում գործադիրը ճնշում գործադրելու իրավունք չունի։ Իսկ մենք այս անցնող ժամանակահատվածում բազմաթիվ նման օրինակներ տեսել ենք»,-ընդգծեց Սաղաթելյանը:

Անդրադառնալով Ռոբերտ Քոչարյանի գործին, նա ասաց, որ իշխանությունների կողմից գնում է ուղղորդված դատավարություն եւ դատարանների նկատմամբ կա ճնշում. «Ռոբերտ Քոչարյանը մեղավոր է, թե անմեղ, դա ոչ թե պետք է որոշեն Հայաստանի իշխանությունները, այլ պետք է որոշի դատարանը։ Դա ոչ ես եմ որոշողը եւ գնահատողը, ոչ որեւէ քաղաքական կուսակցություն, ոչ էլ Հայաստանի Հանրապետության իշխանությունը, պետք է որոշի դատարանը: Իսկ դատարանը պետք է լինի անկախ որոշումը կայացնելու համար, սա է մեր տեսակետը»:

!
Այս նյութը հասանելի է նաև   Русский
Տպել
Ամենաշատ