News
Լրահոս
News
Երեքշաբթի
Հոկտեմբեր 22
USD
476.32
EUR
531.95
RUB
7.48
ME-USD
0.08
Տեսնել լրահոսը

Եթե մենք հենց հիմա չփոխենք մեր կենսակերպը, ապա վտանգի տակ կհայտվի հենց մեր կյանքը։ Ելույթ ունենալով կլիմային փոփոխության հարցերով ՄԱԿ գագաթաժողովում այս մասին հայտարարել է ՄԱԿ գլխավոր քարտուղար Անտոնիո Գուտերեշը։

«Բնությունը ցասման մեջ է։ Եվ մենք խորը մոլորության մեջ ենք, եթե կարծում ենք, թե նրան կարող ենք խաբել։ Որովհետեւ բնությունը մեզնից վրեժ կլուծի»,- նշել է նա։

Ընթացիկ ամառը դարձավ ամենաշոգը ուսումնասիրությունների ողջ պատմության ընթացքում։ Սառցաշերտերը հալվում են, բարձրանում է ծովի մակարդակը, օվկիանոսի թթվայնությունն ավելանում է, եւ այն կորցնում է ածխաթթու գազ կլանելու հատկությունը։ Երաշտները, հրդեհները, փոթորիկներն ու ջրհեղեղները գնալով ավելի ավերիչ են դառնում։ «Մի քանի օր առաջ ես Բահամներում էի, որտեղ «Դորիան» փոթորիկը երկու օր անողոք կերպով ավերում էր այն ամեն, ինչ հանդիպում էր իր ճանապարհին։ Այնտեղ իմ տեսած ավերածությունները ոչ թե ուղղակի ահավոր էին, այդ ամենն ավելի նման էր ապոկալիպսիսի։ Գիտե՞ք, այն ինչը որ մենք տեսնում ենք, դրանք ոչ թե ուղղակի ավերածություններ են, դրանք մեր ապագան են։ Մեր մոլորակն աղաղակում է՝ կա՛նգ առեք»,- ասել է Գուտերեշը։

«Մենք մեզ փոսն ենք գցել,- նշել է ՄԱԿ գլխավոր քարտուղարը,- Որպեսզի դրանից դուրս գանք, նախ պետք է դադարենք այն փորել։ Այո ամեն ինչ փող արժի, բայց մեզ վրա ամենաթանկը կնստի անգործությունը։ Եվ ամենամեծ գինը մենք ստիպված կլինենք վճարել արդյունահանվող վառելիքի մահացող արտադրության սուբսիդավորման վրա, նորանոր ածխահանքերի շինարարության վրա եւ այն բանի հերքման վրա, ինչը պարզից էլ պարզ է»։

Գագաթաժողովն սկսվելուց առաջ 66 երկիր իրենց վրա պարտավորություն են վերցրել 2050 թվականին հասնել ածխածնային չեզոքության։ Այս պարտավորությանը միացել են նաեւ 10 տարածարջաններ, 102 քաղաքներ, 93 ընկերություններ եւ 12 ներդրողներ։ Համաձայնագրի մասնակիցները մտադիր են CO2-ի արտանետումների կրճատմանն ու փոխհատուցմանն ուղղված միջոցառումներ ձեռնարկել, որպեսզի հասնեն, այսպես կոչված, ածխածնի զրոյական հետքի։

Սեպտեմբերի 23-ին Նյու Յորքում իր աշխատանքները սկսեց կլիմայի փոփոխության խնդիրներին նվիրված գագաթաժողովը, որն անցկացնում է ՄԱԿ գլխավոր քարտուղարը։

Համաժողովի կայքը տեղեկացնում է, որ դրան մասնակցելու են համաշխարհային առաջնորդներ, կառավարությունների անդամներ, ֆինանսական շրջանակների, բիզնեսի եւ քաղաքացիական հասարակության ներկայացուցիչներ։

Կլիմային վերաբերվող Փարիզյան համաձայնագիրն ընդունվել է 2015 թվականին։ Նրա հիմնական նպատակն այս հարյուրամյակում 2 աստիճանից ավել տաքացում թույլ չտալն է։ 2019-ի սեպտեմբերի դրությամբ համաձայնագրին միացել է 186 երկիր։

!
Այս նյութը հասանելի է նաև   Русский
Տպել
Կարդացեք նաև
Ամբողջը
ՄԱԿ ԱԽ-ն մտահոգություն է հայտնել՝ կապված Սիրիայի հյուսիսում հումանիտար իրավիճակի վատացման վտանգների հետ
Անվտանգության խորհրդի այսպիսի հայտարարությունները փոխզիջմամբ են ընդունվում․․․
ՀՀ մշտական ներկայացուցիչը հանդիպեց հումանիտար հարցերով ՄԱԿ գլխավոր քարտուղարի տեղակալի հետ
Կողմերը քննարկեցին այդ ուղղությամբ համագործակցության եւ ջանքերը համադրելու հնարավորությունները...
ՄԱԿ-ում հայտարարել են, որ միջուկային պատերազմի վտանգներն աճում են
Շատ վերլուծական կազմակերպություններ, սպառազինությունների վերահսկման հարցերով փորձագետներ խոսում են միջուկային հակամարտության աճող վտանգի մասին․․․
Իրանի հարցով ՀՀԳՊ-ն պետք է պահպանվի․ ՄԱԿ գլխավոր քարտուղարի տեղակալ
Մենք միշտ իրանական միջուկային գործարքը անվանել ենք մեծ հաջողություն միջուկային զենքի չտարածման ռեժիմի համար․․․
Թուրքիան կարող է «պատասխանատու համարվել» քուրդ գրոհայինների եւ քաղաքական գործչի մահապատժի համար. ՄԱԿ
Մահապատժի տեսանյութը տեղադրվել է սոցցանցում...
ՄԱԿ Անվտանգության խորհուրդը Սիրիայի հարցով փակ նիստ կանցկացնի
Էրդողանը, հայտարարելով ռազմական գործողությունների մեկնարկի մասին, չորեքշաբթի օրը նշել էր, որ․․․