Խելացի ալգորիթմերը զգալի չափով կկրճատեն Միացյալ նահանգներում բանկային աշխատողների թիվը: Այդ եզրահանգմանն է եկել Wells Fargo Securities-ի ավագ վերլուծաբան Մայք Մայոն: Աշխատանքից կզրկվի շուրջ 200 000 մարդ, իսկ ֆինանսական կառույցները կշարունակեն ներդրումներ կատարել ՏՏ-ում արտադրողականությունը բարձրացնելու եւ ծախսերը կրճատելու համար, գրում է HighTech+-ը՝ հղում կատարելով Bloomberg-ին:
ԱՄՆ-ի ֆինանսական ընկերությունները տարեկան ծախսում են 150 000 դոլար տեխնոլոգիաների համար, ինչն ավելին է, քան ցանկացած այլ ինդուստրիան: Այդ ներդրումներն ուղղված են ծախսերի կրճատմանը, իսկ դրանց կեսը կազմում են աշխատակիցների աշխատավարձերը, գրել է Մայոն:
Նրա գնահատմամբ՝ գրասենյակներից, տարբեր ստորաբաժանումներից, զանգերի կենտրոններից կհեռացնեն աշխատակիցների 20-33 տոկոսին: Փոքր-ինչ անվտանգ գոտում են տեխնիկական աջակցության, վաճառնքների եւ խորհրդատվության բնագավառի աշխատակիցները:
«Նշանակալի փոփոխություններ են սպասվում բանկերի տեղական մասնաճյուղերին՝ ինչպես արտաքին, այնպես էլ ներքին,-հայտարարել է Մայքլ Թանը Deloitte-ից: Մենք արդեն նկատում են դրա նշանները, եւ որոշ այցելուներ անգամ չեն կասկածում, որ խոսում են անհրեստական ինտելեկտի հետ, քանի որ պարզապես պատասխանում են նրա հարցերին»:
Ավտոմատացումը կկրճատի առօրեական աշխատանքի ծավալը, որն ավելի վաղ կատարում էին մարդիկ: Օրինակ՝ փոխառություն ստանալու համար ձեւաթղթերը կկարողանան լրացնել ռոբոտները:
Նրանք կկատարեն ավելի քիչ սխալներ, կաշխատեն ավելի արագ եւ հաճախորդներին կգոհացնեն, համարում է Մայոն:
Wells Fargo-ն միակ ընկերությունն է, որը նշում է ավտոմատացման միտման եւ բանկային ոլորտում հաստիքների կրճատման մասին: Մայիսին McKinsey ընկերության վերլուծաբանները հայտարարել էին, որ ակնկալում են հաճախորդների հետ աշխատող անձնակազմի թվի նվազում շուրջ մեկ երրորդով: Զեկույցը բավականին աղմկահարույց էր, քանի որ ավանդաբար այդ կատեգորիան ընդունված է համարել առավել արժեքավոր ֆինանսական ընկերություններում «կենդանի ակտիվի» տեսանկյունից:
Ըստ բրիտանական Coalition Development խորհրդատվական ընկերության տվյալների՝ 2018 թվականին ներդրումային բանկերում եւ առեւտրի ոլորտում անձնակազմի հետ աշխատող մենեջերների թիվը նվազել է 20 տոկոսով:
