News
Լրահոս
News
Շաբաթ
Սեպտեմբեր 26
USD
485.27
EUR
565.05
RUB
6.28
ME-USD
0.01
Տեսնել լրահոսը

«Ժամանակ» թերթը գրում է. «Նախկին ոստիկանապետ Վալերի Օսիպյանը հրաժեշտ է տվել նաեւ վարչապետի գլխավոր խորհրդականի պաշտոնին, ինչպես վարչապետի մամուլի խոսնակն է նշել՝ իր դիմումի համաձայն:

Օսիպյանը ոստիկանապետի պաշտոնից հեռացավ ԱԱԾ պետի պաշտոնից Արթուր Վանեցյանի աղմկոտ հեռացումից օրեր անց: Վալերի Օսիպյանի հեռացումը քաղաքականապես նույնքան աղմկոտ չէր, եւ ավելին՝ պաշտոնը թողնելուց հետո նա նշանակվեց վարչապետի գլխավոր խորհրդական, ինչը վկայում էր, որ Նիկոլ Փաշինյանը Օսիպյանին գուցե հեռացնում է անարդյունավետության համար, սակայն բարոյական առումով նրա հանդեպ պահպանում է որոշակի վերաբերմունք, ինչը հատկանշական էր Արթուր Վանեցյանի հետ «փոխհրաձգության» ֆոնին:

Սակայն Օսիպյանի պաշտոնանկությունից հետո մամուլում տեղեկություններ հայտնվեցին պաշտոնավարման ընթացքում նրա ձեռք բերած երեք բնակարանների եւ թանկարժեք մեքենայի մասին, ինչը առաջացրեց, այսպես ասած, «կոռուպցիոն երանգ» նախկին ոստիկանապետի պաշտոնազրկման «գործում»: Արդյոք դա՞ է դեր խաղացել այն հարցում, որ Նիկոլ Փաշինյանը Վալերի Օսիպյանին ի վերջո հեռացրեց նաեւ գլխավոր խորհրդականի պաշտոնից:

Մամուլում տեղեկություններ էին հրապարակվել, որ Վալերի Օսիպյանը մտերիմ է ռուսաստանցի մեծահարուստ հայերից մեկի հետ, որն էլ նրան նվիրել է բնակարաններն ու մեքենան: Բայց, ի վերջո, նախկինում էլ պաշտոնյաները իրենց առասպելական ունեցվածքի մի զգալի մասը բացատրում էին նվիրատվություններով: Իհարկե, Օսիպյանի պարագայում խոսքն առասպելականի մասին չէ, սակայն վերջին հաշվով ամեն ինչ սկսվում է քչից: Մյուս կողմից՝ եթե կա այդպիսի ռիսկ, ապա խնդիրը չպետք է սահմանափակվեր լոկ պաշտոնանկությամբ, որովհետեւ առաջանում է հարց, թե արդյոք ի՞նչ որոշումներ են կայացվել այդ «նվերների» դիմաց:

Իհարկե, այդ բոլոր հարցադրումները գոյության «իրավունք» ստանում են այն պայմաններում, երբ չի լինում հեռացումների հետ կապված քիչ թե շատ հստակ պաշտոնական բացատրություն: Թեեւ կասկածից վեր է, որ անգամ ամենահստակի պարագայում լինելու են դրան չհավատացողներ եւ «այլընտրանքային» վարկածներ տարածողներ ու շրջանառողներ: Այս պարագայում, իհարկե, պետք է հասկանալ՝ Վալերի Օսիպյանի «պատմական» դերը հայաստանյան փոփոխությունների շրջափուլում ավարտվա՞ծ է, եւ նա գնում է, այսպես ասած, «վաստակած» հանգստի՞, թե՞ նրա առաքելությունը դեռ ավարտված չէ, եւ Օսիպյանը դեռեւս «կխախտի» ներքաղաքական հանգիստը:

Ի վերջո, այստեղ պետք է հիշել ոստիկանության պետի պաշտոնը թողնելու հետ կապված նրա հայտարարությունը, որում նշել էր, թե պատճառների մասին կխոսի ավելի ուշ: Այդ հայտարարությունը մնում է ուժի մե՞ջ, թե՞ այդուհանդերձ պաշտոնավարման ընթացքում բնակարաններ եւ մեքենա նվեր ստացած նախկին ոստիկանապետը այլեւս չի խոսի, քանի որ նրա փոխարեն ամեն ինչ ասել են այդ նվերները»:

Առավել մանրամասն՝ թերթի այսօրվա համարում

Տպել
Կարդացեք նաև
Ամբողջը
Իշխանությունը գնում է իրեն ավելի քանդելու ճանապարհով. Արսեն Բաբայան
Բոլոր գործողությունները բերելու են վերջնական արդյունքի, իսկ արդյունքն այն է լինելու, որ կառավարությունը հրաժարական է տալու, նոր կառավարություն է…
Հանրահավաքը տեղի է ունենալու՝ անկախ նրանից, թե ինչ զարգացումներ կլինեն. Էնֆիաջյան
Լիահույս ենք, որ ի վերջո արդար դատավճիռ կկարդան եւ ամեն ինչ կգնա իր բնականոն ճանապարհով…
Իշխանությունը կարող է հանգիստ նստել ու սպասել հանրահավաքին․ Արծվիկ Մինասյան
Արդեն երեկ իշխանության ներկայացուցիչներ, որոնք իրենցից ոչինչ չեն ներկայացնում որպես քաղաքական անձինք, սկսել են պիտակավորումներ անել…
Եթե ինձ ձերբակալելով ժողովրդի վիճակը կլավանա, հարց չկա. Գագիկ Ծառուկյան (ֆոտոռեպորտաժ)
Ծառուկյանին ի՞նչ է եղել՝ տրամադրությունը բարձր չլինի…
«Ժողովուրդ». Առողջապահության նախարարությունը ծխախոտի դեմ պայքարելուց հետո անցել է այքոսներին
Իսկ, ահա, տաքացվող սիգարետի լրացուցիչ նախազգուշացման տեքստերը կշարադրվեն...
«Ժողովուրդ». Գրիշա Թամրազյանի հրաժարականի հետքերով․ ինչ է սպասվում Դիանա Գալոյանին
Մի խումբ պաշտոնյաներ, որոնց թվում է ՀՀ ԿԳՄՍ նախարար Արայիկ Հարությունյանը, արեւմտյան արժեքների ջատագով են, որոնք գնում են գլոբալացման…