Աֆղանստանի հետախուզական ծառայությունը հայտնել է, որ Գիլմենդ նահանգում հատուկ գործողությունների ժամանակ զոհված զինյալների թվում է «Ալ Քաիդա»-ի ազդեցիկ հրամանատարից մեկը, հաղորդում է Reuters-ը:
Պակիստանի քաղաքացի Ասիմ Օմարը սպանվել է սեպտեմբերի 23-ին Գիլմենդի Մուսա-Կալա շրջանում, հաղորդում է Աֆղանաստանի անվտանգության ազգային վարչությունը (NDS):
ԱՄՆ-ի եւ Աֆղանստանի համատեղ գործողությունների ընթացքում սպանվել է առնվազն 40 մարդ, այդ թվում՝ 12 երեխա: Աֆղանստանի պաշտոնական անձանց հաղորդմամբ՝ ահաբեկիչ մահապարտներ պատրաստելու համար ապստամբ թալիբների կողմից օգտագործված տունը գտնվում է տան կողքին, որը գիշերային ռեյդի ժամանակ հրաձգության տակ է հայտնվել:
NDS-ում հայտնել են, որ 6 այլ գրոհային սպանվել է ռեյդի ժամանակ:
Թալիբները հերքել են իրենց գրոհայինների մահվան լուրերը՝ հայտարարելով, որ Աֆղանստանի կառավարությունը փորձում է թաքցնել այն փաստը, որ հատուկ գործողությունների ժամանակ խաղաղ բնակիչներ են սպանել: