Գերմանիան պատրաստ է ավելի մեծ ներդրում ունենալ ՆԱՏՕ-ի ընթացիկ ծախսերում, եթե մյուս դաշնակիցները եւս ակտիվացնեն այդ գործունեությունը Միացյալ Նահանգներին օգնելու համար ֆինանսավորման բաժինը նվազեցնելու հարցում: Այդ մասին հայտարարել է Գերմանիայի պաշտպանության նախարար Անեգրեթ Քրամփ Քարենբաուերը, հաղորդում է Reuters-ը:
Նախագահ Դոնալդ Թրամփն արդեն վաղուց մեղադրում է եվրոպական դաշնակիցներին, հատկապես Եվրոպայի խոշորագույն տնտեսություն Գերմանիային, որ նա ընդունում է ԱՄՆ-ի ներկայացրած անվտանգության երաշխիքները որպես պարտադիր պայման՝ հայտարարելով, որ նրանք պետք է ավելի շատ ծախսեն սեփական պաշտպանության համար:
Այժմ ՆԱՏՕ-ում դիտարկվող առաջարկի համաձայն՝ միության տարեկան բյուջեում ԱՄՆ-ի ներդրումը կնվազի մինչեւ 16 տոկոս ներկայիս 22 տոկոսի փոխարեն, իսկ Գերմանիայում՝ կբարձրանա մինչեւ 16 տոկոս 14.8-ից 2021 թվականից: Մյուս երկրները նույնպես կվճարեն ավելին:
«Մենք պատրաստ ենք ավելի շատ գումար հատկացնել»,-լրագրողներին հայտարարել է Քրամփ Քարենբաուրերը:
Քրամփ Քարենբաուրերն ասել է, որ ավելին վճարելու Գերմանիայի պատրաստակամությունը «նախագահ Թրամփին հանդարտացնելու միջոց չէ»՝ հավելելով, որ ՆԱՏՕ-ում բոլոր դաշնակիցները պետք է իրենց ներդրումն ունենան միության ֆինանսավորման գործում:
