News
Լրահոս
News
Կիրակի
Նոյեմբեր 17
USD
477.57
EUR
526.28
RUB
7.48
ME-USD
0.06
Տեսնել լրահոսը

Դուբայի թագաժառանգ եւ Դուբայի սպորտային խորհրդի (DSC) նախագահ Ն.Գ. Շեյխ Համդան բին Մուհամմեդ բին Ռաշիդ Ալ Մակտումի հրավերով ՀՀ բարձր տեխնոլոգիական արդյունաբերության նախարար Հակոբ Արշակյանը հոկտեմբերի 14-15-ը Արաբական Միացյալ էմիրություններում  (ԱՄԷ) մասնակցում է «Արհեստական բանականությունը սպորտում» (DAIS) համաժողովին, որն անցկացվում է որպես ցանցային հարթակ`մարզական արդյունաբերության ոլորտում արհեստական բանականության լուծումներ ներդնելու  նպատակով:

Նախարարությունից NEWS.am-ին հայտնում են, որ DAIS-ը համաշխարհային մակարդակի միջոցառում է, որը կառավարությունների եւ սպորտային արդյունաբերության ղեկավարներին համախմբում է արհեստական բանականության տեխնոլոգիաների շուրջ։

Համաշխարհային նշանակություն ունեցող այս միջոցառմանը  մասնակցում են տարբեր երկրների հարյուրավոր բարձրաստիճան պաշտոնյաներ, ընկերությունների ու ասոցիացիաների ղեկավարներ,  գործարարներ, մարզական ֆեդերացիաների եւ ասոցիացիաների ղեկավարներ,արհեստական բանականության տեխնոլոգիաների ոլորտի խոշոր ներդրողներ, սպորտային արդյունաբերության ներկայացուցիչներ:

Միջոցառման շրջանակներում նախարար Հակոբ Արշակյանը մի շարք երկկողմ հանդիպումներ կունենա մասնակից երկրների բարձրաստիճան ներկայացուցիչների, կազմակերպությունների ղեկավարների եւ հնարավոր ներդրողների հետ, ովքեր հետաքրքրված են Հայաստանում իրականացվող եւ մշակվող նախագծերով ու ծրագրերով: Նախատեսված  է նաեւ հանդիպում ԱՄԷ-ի արհեստական բանականության նախարար Օմար ալ Օլամայի հետ:

Դուբայի թագաժառանգ եւ Դուբայի սպորտային խորհրդի (DSC) նախագահ Ն.Գ. Շեյխ Համդան բին Մուհամմեդ բին Ռաշիդ Ալ Մակտումի հովանավորության ներքո անցկացվող այս համաժողովի  շրջանակներում կբացվի նաեւ թեմատիկ ցուցահանդես։ DSC-ը, որն իր գործունեությունը սկսել է 2005 թվականից, սպորտային եւ առողջապահական ոլորտներում ուսումնասիրում եւ իրականացնում է տեխնոլոգիական լուծումների առավելագույն նպաստավոր եւ արդյունավետ կիրառման հնարավորությունները։ Արհեստական բանականության օգտագործումը՝ DSC-ի գործունեության հաջորդ տրամաբանական քայլն է՝ նորարարական լուծումների շնորհիվ նշված ոլորտներում նոր զարգացումներ ու առաջընթաց ապահովելու համար։

!
Այս նյութը հասանելի է նաև   English
Տպել
Կարդացեք նաև
Ամբողջը
15 տարվա աշխատանքի ընթացքում ալգորիթմները կվերացնեն մոտ 800 մլն աշխատատեղ
Աշխատատեղերի կորստի տեմպերը մեծանում են, առաջին հերթին ավտոմատացման վրա ծախսերի նվազման հաշվին․․․
Հակամենաշնորհային հետաքննությունը Google-ի հանդեպ տարածվել է Android-ի վրա
Հետաքննությունը կտարածվի նաեւ Android-ի վրա...
Էսփերը հերքել է Պենտագոնի՝ Microsoft Corp-ին պայմանագիր տրամադրելու որոշման կողմնակալության մասին ենթադրությունները
Պենտագոնի որոշումը կողմնակալ չէ...
Հայաստանում ինժեներական քաղաքի նախագծման աշխատանքներն ավարտական փուլին են մոտենում. նախարար
Նախարարը հայտնեց, որ նախարարությունը ծրագրում է քաղաքում մոտ 35 ինժեներական ընկերություն տեղավորել...
ՀՀ բարձրտեխնոլոգիական արդյունաբերության նախարարությունը մշակել է 2020-2025 թվականների ռազմավարությունը
«Այն շուտով կհանձնվի հանրության դատին»,- նշեց Արշակյանը...
2020-ին ՀՀ-ում բարձրտեխնոլոգիական արդյունաբերության կարիքներին կհատկացվի մոտ 12,4 մլրդ դրամ
12,4 մլրդ դրամ կհատկացվի բարձրտեխնոլոգիական ռազմական արդյունաբերության կարիքներին...