News
Լրահոս
News
Ուրբաթ
Հոկտեմբեր 23
USD
494.31
EUR
584.77
RUB
6.42
ME-USD
0.01
Տեսնել լրահոսը

 Մոտ 60 մարդ մասնակցել է թուրքերի եւ քրդերի միջեւ զանգվածային ծեծկռտուքին գերմանական Հյուսիսային Հռենոս-Վեսթֆալիա դաշնային հողի Հերնե քաղաքում, տեղեկացրել է Բոխում քաղաքի ոստիկանությունը, փոխանցում է ՌԻԱ «Նովոստի»-ն։

Ոստիկանության տվյալներով՝ բախումները տեղի են ունեցել երկուշաբթի, ժամը 22.00-ին,  Շուլշտրասե եւ Վիկտոր-Ռոյթերշտրասե փողոցների շրջանում։ Ինչպես նշում են ԶԼՄ-ները, այստեղ է գտնվում քաղաքի Թուրքական մշակույթի կենտրոնը։ Ծեծկռտուքի մասնակիցները զինվել են մահակներով եւ ձողերով, ոմանք դանակներ են ունեցել։ Մեկ մարդ թեթեւ վնասվածքներ է ստացել եւ հասցվել է հիվանդանոց։ Դեպքի վայր ժամանած ոստիկանությունը կանգնեցրել է ծեծկռտուքը կծու տաքդեղի բալոնների օգնությամբ եւ մասամբ առգրավել կռվի զենքերը։ Ոստիկանությունը բերման է ենթարկել ոմանց, բայց կալանավորումներ չեն եղել։

«Այս առնչությամբ մենք նորից կոչ ենք անում մեր քուրդ եւ թուրք համաքաղաքացիներին իրենց հույզերը չարտահայտել սադրանքների, ագրեսիայի եւ ոչ էլ բռնության միջոցով։ Նման պահվածքն անընդունելի է։ Խախտումներն այսուհետ եւս հետեւողականորեն պատիժների կհանգեցնեն»,- ասվում է Բոխումի ոստիկանության տարածած մամուլի շրջաբերականում։ Ոստիկանությունում ընդգծել են, որ իրավապահները այսուհետ եւս ուշադիր կհետեւեն իրավիճակի զարգացմանը քաղաքում։

Անցած շաբաթ հինգ մարդ տուժել էր անկարգությունների հետեւանքով Հերնեում քրդերի բողոքի ակցիայի ընթացքում։ Ակցիայի մասնակիցները ջարդուփշուր էին արել թուրքական սրճարանը։ Ոստիկանությունը ենթադրում է, որ այդ միջադեպերի միջեւ կապ կա։

Համայնքների միջեւ հարաբերությունները սրվել են այն բանից հետո, երբ Թուրքիայի նախագահ Թայիփ Էրդողանը հոկտեմբերի 9-ին հայտարարեց Սիրիայի հյուսիսում «Խաղաղության ակունք» գործողությունն սկսելու մասին, որն ուղղված է Թուրքիայում արգելված Քրդստանի բանվորական կուսակցության եւ «Իսլամական պետություն» ահաբեկչական խմբավորման դեմ։ Սիրիական իշխանությունները բազմիցս դատապարտել են Թուրքիայի զավթողական քաղաքականությունը Սիրիայի հյուսիսում։ Ռուսաստանը հայտարարել է, որ Թուրքիան պետք է խուսափի գործողություններից, որոնք կարող են խոչընդոտել սիրիական հակամարտության կարգավորմանը, որը շարունակվում է 2011-ից։

Հինգշաբթի ԱՄՆ-ը եւ Թուրքիան հայտարարել էին, որ պայմանավորվել են դադարեցնել Թուրքիայի ռազմական գործողությունը 120 ժամով եւ դուրս բերել քրդական կազմավորումները Թուրքիայի եւ Սիրիայի սահմանի 30 կիլոմետրանոց բուֆերային գոտուց, որն Անկարան մտադիր է վերահսկել ինքնուրույն։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Շվեդիայի արտգործնախարարը դիվանագիտորեն տեղն է դրել Չավուշօղլուին
Դա նուրբ քողարկված հղում էր Թուրքիայի քննադատվող գործունեւությանը խոսքի ազատության ոլորտում, այդ թվում` բազմաթիվ լրագրողների եւ քրդամետ քաղաքական գործիչների ձերբակալություններին...
Ստեփանակերտ. Անկարան եւ Բաքուն վտանգավոր սադրանք են նախապատրաստում
«Փաստացի այժմ տեղեկատվական հրետանային պատրաստություն է ընթանում...
Լավրով. ԱՄՆ գործողությունները Անդրեփրատում պայթյունավտանգություն են ստեղծում քրդական խնդրի շուրջ
«Նրանք հեռու են, նրանց դա առանձնապես չի հուզում, բայց հետեւանքները տարածաշրջանի համար կարող են աղետալի լինել, եթե նրանք այստեղ խթանեն անջատողականության այս միտումները...
Թուրքական ոստիկանությունը ձերբակալել է ավելի քան 30 քրդամետ քաղաքական գործիչների եւ ակտիվիստների
Գազիանթեփ հարավարեւելյան նահանգում գործողության ժամանակ ահաբեկչության մեղադրանքով…
Բաղդադը պահանջել է, որ Անկարան անհապաղ դադարեցնի հյուսիսային Իրաքի ռմբակոծությունները եւ զորքերը դուրս բերի
Մենք ընդգծում ենք, որ Թուրքիան պետք է դադարեցնի ռմբակոծությունները եւ իր ուժերը դուրս բերի Իրաքի տարածքից․․․
Թուրքիան նախատեսում է ավելի շատ ժամանակավոր ռազմական բազաներ ստեղծել Իրաքի հյուսիսում
Անկարան երկու օպերացիա է նախաձեռնել Իրաքում Քրդական աշխատավորական կուսակցության դեմ՝ ի պատասխան իբր, իր իսկ խոսքերով, ավելի հաճախացած քրդական հարձակումներին...
Ամենաշատ