2020-ին Հայաստանում միջին գնաճը կարճ ժամանակով կավելանա եւ կմնա ցածր: Այս մասին այսօր ԱԺ-ում 2020-ի պետբյուջեի նախագծի քննարկման ժամանակ հայտարարեց ՀՀ ԿԲ նախագահ Արթուր Ջավադյանը։
Նա նշեց, որ ըստ կանխատեսումների՝ 2020-ին միջին գնաճը կկազմի 2,1%՝ 2019-ին 1,7%-ի համեմատ:
Ընդհանուր առմամբ, ինչպես նշեց Ջավադյանը, ԿԲ դրամավարկային քաղաքականությունը կմնա թույլ խթանող: «Վերջին տարիներին՝ դատելով ԿԲ կողմից անցկացվող հարցումներից, քաղաքացիները գրեթե դադարել են գների աճ սպասել: Դա մեր ձեռքբերումներից մեկն է, որը լավ հնարավորություններ է ստեղծում տնտեսական աճի համար: Իհարկե, կարելի է ավելի խիստ քաղաքականություն վարել եւ զսպել գնաճը, սակայն մենք չենք ցանկանում նման կերպ խոչընդոտել տնտեսական աճին»,- ասաց ԿԲ նախագահը: