Կտրուկ շրջադարձեր, կարծում եմ, դուք տեսել եք Սերժ Սարգսյանի կառավարման տարիներին։ Այս մասին այսօր՝ հոկտոմբերի 31-ին, լրագրողների հետ զրույցում ասաց ԿԳՄՍ նախարար Արայիկ Հարությունյանը՝ ապատասխանելով ՀՀ երրրորդ նախագահ Սերժ Սարգսյանի հայտարարության մասին։
«Այնտեղ խոսել էր նաեւ անպատասխանատու որոշումների մասին, որոշումները փոփոխելու մասին։ Կտրուկ շրջադարձեր, կարծում եմ, դուք տեսել եք Սերժ Սարգսյանի կառավարման տարիներին: Եվ տեսել եք, թե ինչպես է համակարգն այդ կտրուկ շրջադարձերի ժամանակվշուռ եկել: Այս իշխանությունը, մեր կառավարությունը, հավատարիմ է հեղափոխական գաղափարներին: Ինչի՞ մասին է խոսքը`գնացեք նրանից հարցրեք: Այսքանից ավել, մերժված ղեկավարին չեմ ուզում մեկնաբանել»,-նշեց նա:
Հիշեցնենք՝ Սերժ Սարգսյանը հայտարարել էր, որ վախենում է անպատասխանատու պոպուլիստների` մեր հայրենիքի համար կործանարար քաղաքականությունից։
