News
Լրահոս
News
Կիրակի
Նոյեմբեր 17
USD
477.57
EUR
526.28
RUB
7.48
ME-USD
0.06
Տեսնել լրահոսը


Նոյեմբերի 8-ին ՀՀ Արտակարգ իրավիճակների նախարարությունում անցկացվեց փրկարար ծառայության հերթական ամենշաբաթյա գործակարգավարական խորհրդակցությունը, որը վարեց ծառայության տնօրեն, փ/ծ գեներալ-մայոր Վրեժ Գաբրիելյանը:

ԱԻՆ-ից NEWS.am-ին հայտնում են, որ ՀՀ ԱԻՆ ՓԾ տարբեր ստորաբաժանումների ղեկավարները, Երեւան քաղաքի ու մարզային փրկարարական վարչությունների պետերը փրկարար ծառայության տնօրենին զեկուցեցին ընթացիկ աշխատանքների եւ առկա խնդիրների մասին:

«Աղետների բժշկության կենտրոն» ՊՈԱԿ-ի տնօրեն Կարեն Աթոյանը տեղեկացրեց, որ Բազումի լեռնաշղթայում հրդեհի մարման ժամանակ վիրավորված Էդգար Գրիգորյանի առողջական վիճակը արդեն համեմատաբար լավ է, կա հստակ դրական դինամիկա:

Փրկարար ուժերի վարչության պետ, փ/ծ գնդապետ Տիգրան Պետրոսյանը զեկուցեց այն մասին, որ Իրանի Իսլամական Հանրապետությունում գրանցված երկրաշարժից հետո Հայաստանի քաղաքային որոնողափրկարարական թիմը, որը համապատասխանում է միջազգային INSARAG չափանիշներին, բերվել է պատրաստականության բարձր աստիճանի, լուծված են տեխնիկական եւ նյութական ապահովմանը վերաբերող բոլոր հարցերը եւ, անհրաժեշտության դեպքում, հայ փրկարարների թիմը ամեն պահի պատրաստ է մեկնել Իրան:

Այնուհետեւ՝ Փրկարար ծառայության տնօրենը խոսեց մի շարք խնդիրների մասին եւ տվեց կոնկրետ հանձնարարականներ:

Գեներալ-մայոր Գաբրիելյանը հանձնարարեց ստուգել բոլոր մարզային ստորաբաժանումներում ռադիոկապի առկայությունը եւ զեկուցել իրեն, հանձնարարեց հետեւել անձնակազմի կողմից մարտական հագուստի կրման, ինչպես նաեւ՝ ձմեռային սեզոնի անցման կանոնների պահպանմանը:

Փրկարար ծառայության տնօրենը համապատասխան ստորաբաժանմանը հանձնարարեց ուշադրության կենտրոնում պահել պայթուցիկ սարքերի ձեռքբերման գործընթացը, որը անհրաժեշտ է կանխարգելիչ քարաթափումներ իրականացնելու համար:

Փրկարար ուժերի վարչության պետին հանձնարարվեց պատշաճ կերպով կազմակերպել Մարզահամերգային համալիրում առաջիկայում կայանալիք խոշոր հատուկ տակտիկական ուսումնավարժանքի անցկացումը, որի ընթացքում օգտագործվելու է նաեւ ուղղաթիռ:

Քննարկվեցին նաեւ Սեւան քաղաքում հատուկ ջրափրկարարական ջոկատի տեղակայման համար շենքի կառուցման, Ճգնաժամային կառավարման ազգային կենտրոնի գործառույթների շրջանակի ընդլայման, ինչպես նաեւ՝ Փրկարար ծառայության կազմում առաջիկայում սպասվող կառուցվածքային փոփոխությունների հետ կապված մի շարք հարցեր:

Գեներալ-մայոր Գաբրիելյանը տվեց նաեւ կարգապահության եւ ծառայության կազմակերպման հետ կապված մի շարք հանձնարարականներ:

 

Տպել
Կարդացեք նաև
Ամբողջը
Երկրաշարժ՝ Շիրակի մարզում
Էպիկենտրոնային գոտում ստորգետնյա ցնցման ուժգնությունը կազմել է 2-3 բալ...
Ֆրանսիայի հարավ-արեւելքում տեղի է ունեցել 5,4 մագնիտուդով երկրաշարժ
Ստորգետնյա ցնցումները տեւել են մոտ 10 վայրկյան եւ զգացվել են մի շարք այլ քաղաքներում՝ Լիոնում, Մոնպելյեում, Ավինյոնում…
Իրանում տեղի ունեցած երկրաշարժի հետեւանքով տուժել է ավելի քան 500 մարդ
Երկրաշարժի հետեւանքով ավերվել են 30 բնակելի շենքեր…
Ֆելիքս Ցոլակյանն առաջարկել է փրկարարական ուժեր գործուղել Իրանի աղետի գոտի
Ֆելիքս Ցոլակյանը հեռախոսազրույց է ունեցել ՀՀ-ում Իրանի փոխդեսպան Ալի Մոհամմադ Մոթաղիի հետ…
Ֆիլիպիններում երկրաշարժի հետեւանքով տուժածների թիվը գերազանցել է 400-ը
Ավելի վաղ հաղորդվել է 9 զոհի եւ 40 տուժածի մասին...
Հզոր երկրաշարժ Ֆիլիպիններում. զոհերի թիվը հասել է երկու հարյուրի
Երեքշաբթի հզոր երկրաշարժ է տեղի ունեցել Ֆիլիպիններում...