News
Լրահոս
News
Չորեքշաբթի
Դեկտեմբեր 11
USD
478.02
EUR
529.79
RUB
7.53
ME-USD
0.06
Տեսնել լրահոսը

Առկա են բոլոր նախադրյալները, որ Հայաստանի եւ Ռուսաստանի միջեւ ապրանքաշրջանառությունն այս տարի առաջին անգամ կարող է գերազանցել 2 մլրդ դոլարը։ Այս մասին նոյեմբերի 11-ին «Մատենադարան» հին ձեռագրերի թանգարան-ինստիտուտում Հայաստանի ուսանողների հետ հանդիպման ժամանակ, որը նվիրված էր Հայաստանի դիվանագիտական դպրոցի գործունեության 10-ամյակին, ասաց ՌԴ արտգործնախարար Սերգեյ Լավրովը։

Նախարարը հավելեց, որ նախագծեր են իրականացվում արդյունաբերության, տրանսպորտի, գյուղատնտեսության, էներգետիկայի, ֆինանսավարկային ոլորտներում՝ նշելով ՏՏ  ոլորտում հարաբերությունների զարգացման հեռանկարները։

Լավրովն ընդգծեց նաեւ միջտարածաշրջանային համագործակցության դինամիկ բնույթը, որի մեջ ներառված են Ռուսաստանի 70 տարածաշրջաններ եւ Հայաստանի համարյա բոլոր մարզերը, ինչպես նաեւ՝ համագործակցության ընդլայնումը գիտամանկավարժական ոլորտում, սպորտում եւ մշակույթում։

«Մեր հարաբերությունները, որոնք ժամանակի փորձություն են անցել, կրում են ռազմավարական, դաշնակցային բնույթ։ Դրանց համար անհրաժեշտ խթան են հանդիսանում ամենաբարձր մակարդակով պարբերաբար շփումները։

Բացի այդ, Ռուսաստանը շնորհակալ է Հայաստանին այն ուշադրության համար, որը նա արժանացնում է ռուսաց լեզվի պահպանմանը եւ զարգացմանը։ Հուսով ենք, որ նման գիծը կշարունակվի՝ հաշվի առնելով  այն, որ Հայաստանում լավ գիտեն ռուսական մշակույթը, ինչպես նաեւ զուտ գործնական առումով՝ ռուսաց լեզվի իմացությունը ստեղծում է ամբողջ հետխորհրդային տարածաշրջանում ունակությունների դրսեւորման լրացուցիչ հնարավորություններ։ Վերջապես, լեզվի իմացությունը, որպես միջազգային հաղորդակցման միջոց, ընդգծում է ժողովրդի քաղաքակիրթ լինելը»,- նկատեց Լավրովը։

Նրա խոսքերով, Այսօր Հայաստանը սոցիալ-տնտեսական զարգացման ապահովման մասշտաբային խնդիր է լուծում, եւ հայ ժողովուրդը, որը ունի հին պատմություն, հարուստ ավանդույթներ, սովորույթներ եւ բարձր մշակույթ, ի զորու է դա անել, իսկ Ռուսաստանը միշտ պատրաստ է աջակցել, թիկունք լինել եւ օգնել։  

Լավրովն ընդգծեց միջազգային ասպարեզում համագործակցության կարեւորությունը այնպիսի կազմակերպություններում, ինչպիսիք են ՄԱԿ-ը, ԱՊՀ-ն, ՀԱՊԿ-ը, ԵՏՄ-ն եւ մյուսները։

«Կարեւոր է նշել, որ ԵՏՄ-ին անդամակցելուց հետո միության մյուս անդամների հետ Հայաստանի ապրանքաշրջանառությունը ավելացել է 40 տոկոսով։ Բացի այդ, այն տնտեսությունը զարգացնելու հնարավորություն է ստացել, այդ թվում՝ առանց արտահանման տուրքերի հումքի եւ պաշարների ձեռքբերման միջոցով»,- հայտարարեց նա։

ԱԳՆ ղեկավարը նաեւ նշեց ԵՏՄ-ում Հայաստանի նախագահության արդյունավետությունը, որի ընթացքում Սինգապուրի, Սերբիայի, Չինաստանի, Իրանի եւ այլ երկրների հետ ստորագրվել են համապատասխան համաձայնագրեր։

Նշենք, որ Սերգեյ Լավրովը նոյեմբերի 10-11-ը պաշտոնական այցով գտնվում է Հայաստանում։

 

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ՀՀ երկրորդ նախագահի գրասենյակը Ռոբերտ Քոչարյանի անունից ցավակցական հեռագիր է հղել Յուրի Լուժկովի ընտանիքին
Այս մասին տեղեկանում ենք ՀՀ երկրորդ նախագահի գրասենյակի ֆեյսբուքյան էջից․․․
ՌԴ Տուլայի մարզը հետաքրքրված է ակտիվացնելու Հայաստանում բազմակողմանի գործակցությունը․ Էկոնոմիկայի նախարարություն
Կարևորելով գործակցության ակտիվացման անհրաժեշտությունը` կողմերը պայմանավորվել են տեղեկատվություն փոխանակել ներդրումային ծրագրերի վերաբերյալ․․․
ՀՀ-ն ստացել է ԱԷԿ-ի համար վարկի օգտագործման ժամկետի երկարացման Ռուսաստանի համաձայնությունը
Հայաստանն ստացել է Ռուսաստանի համաձայնությունը...
«Տաշիր» ընկերությունների խումբը դրական ազդեցություն է ունեցել Հայաստանի էներգետիկ համակարգի վրա. նախարար
Նախարարն անդրադարձավ նաեւ «Ռուսհիդրո» եւ «Տաշիր» ընկերությունների խմբի միջեւ գործարքին…
Հայաստանում Ռուսաստանի դեսպանը չի մեկնաբանել Նժդեհի հուշատախտակի հետ կապված միջադեպը
Մենք այսօր դրա համար չենք հավաքվել, ասել է Կոպիրկինը...
Դեկտեմբերի 26-ին նախատեսվում է 70 մլն դոլար վարկի օգտագործման հարցի քննարկումը. ՀՀ-ում ՌԴ դեսպան
Դեկտեմբերի 26-ին միջկառավարական հանձնաժողովի շրջանակում նախատեսվում է Ռուսաստանի հատկացրած 70 մլն դոլար վարկի օգտագործման հարցի քննարկումը…