YouTube տեսահոսթինգային ծառայությունը թարմացրել է օգտատիրական համաձայնագիրը, որում նշել է, որ դեկտեմբերի 10-ից կարող է արգելափակել գրանցված հաշվին օգտատիրոջ հասանելիությունը, եթե համարի, որ այդ հաշիվը «կոմերցիոն իմաստ չունի»։ Այս մասին հայտարարել է Mashable-ն։

Թե ինչ է ենթադրվում կոմերցոն իմաստի բացակայության տակ, չի հստակեցվում, սակայն որոշ ԶԼՄ-ներ ենթադրում են, որ ներկա տեսքով ձեւակերպումը YouTube-ին թույլ կտա արգելափակել հաշիվները, եթե տեսանյութը գովազդից բավարար եկամուտ չի բերում։ Ֆորումներում Reddit եւ Google օգտատերերը ենթադրել են, որ YouTube-ը կարող է արգելափակել ոչ ակտիվ հաշիվները կամ նրանք, որ օգտագործում է գովազն արգելափակողը, հայտնում է «Կոմերսանտը»։

Հանաձայնագիրը չի հստակեցնում՝ տարածվում է արդյոք այդ կանոնը միայն կոնտենտը ստեղծողների, թե բոլոր օգտատերերի վրա, որոնք YouTube-ում հաշիվ ունեն։ Հրապարակված տարբերակով ձեւակերպումը նաեւ թույլ է տալիս հեռացնել ոչ միայն YouTube-ի հաշիվը, այլեւ Google-ը, որն, օրինակ, ներառում է Gmail, Docs եւ Photo ծառայությունները։