News
Լրահոս
News
Շաբաթ
Դեկտեմբեր 14
USD
477.51
EUR
533.9
RUB
7.66
ME-USD
0.05
Տեսնել լրահոսը

Ֆրանսիան չի կարող շարունակել ձեւացնել, թե ՆԱՏՕ-ում ամեն բան կարգին է, ասել է երկրի վարչապետ Էդուարդ Ֆիլիպը, տեղեկացնում է Bloomberg-ը։

Նա աջակցել է նախագահ Էմանուել Մակրոնի դիրքորոշմանը, որն ասել էր, թե ՆԱՏՕ-ն «ուղեղի մահ» է տանում, ինչն առաջ էր բերել ղեկավարների, այդ թվում եւ Գերմանիայի կանցլեր Անգելա Մերկելի եւ Արեւելյան Եվրոպայի բարձրաստիճան պաշտոնյաների բացասական արձագանքը։

«Հարցնել, թե ինչի համար է այդ դաշինքը, կասկածի տակ դնել արդի աշխարհի մեծ մարտահրավերներին նրա արձագանքելու կարողությունը՝ դա նույնպես ինձ համար տեղին է թվում»,- ասել Ֆիլիպը։ «Դա կտրուկ արտահայտություններով ներկայացնելն ինձ օգտակար է թվում՝ բանակռիվների խթանման համար»։

Մակրոնն ասել էր, որ համաշխարհային տերությունները չպետք է «ծույլ» լինեն գլոբալ ինստիտուտները վերանայելիս։ «Գուցե, ես նեղացրել եմ մի քանի մարդու վերջին օրերին կամ շաբաթներին։ Ես կարծում եմ, որ մեզ ճշմարտություն է պետք. կեղծավորությունն ու երկերեսանիությունը մեր օրերում չեն գործում»,- ասել է նա Փարիզի համաժողովում։

Ֆրանսիայի նախագահի վերջին արտահայտություններն արտացոլում են նրա ձգտումը՝ ավելի անկախ արտաքին քաղաքականություն ունենալ Եվրամիությունում, որն ավելի քիչ կախված կլինի ԱՄՆ-ից կամ ՆԱՏՕ-ից։ Որոշ ժամանակ նա Եվրոպային դրդում էր խորացնել սեփական ռազմական ինտեգրումը։

Նա նաեւ անհանգստություն է հայտնել այն առիթով, որ ՆԱՏՕ անդամ Թուրքիան վերջերս Սիրիայում քուրդ գրոհայինների դեմ ռազմական գործողություն է իրականացրել։ Մակրոնը Բրյուսելում ասել է, որ ՆԱՏՕ-ն թույլ է տվել «լուրջ սխալ» Թուրքիայի վարքի առումով՝ Սիրիայի հետ կապված։

Բայց ՆԱՏՕ հրապարակային քննադատությունը բարձրացրել է նաեւ հարցն այն մասին, թե կարող է արդյոք այն վերջնարդյունքում խափանել դաշինքը։ Լեհաստանի վարչապետ Մաթեուշ Մորավեցկին Financial Times-ին ասել է, որ Մակրոնի գործողությունները «վտանգավոր» են՝ ՆԱՏՕ-ն անվանելով «աշխարհում ամենակարեւոր դաշինքը, երբ խոսքը վերաբերում է ազատության եւ խաղաղության պահպանմանը»։

Պատասխանելով ՆԱՏՕ-ին Ֆրանսիայի ապագա հավատարմության մասին հարցին՝ Ֆիլիպը խոսել է ֆրանսիական զորքերի ներկայության մասին ինչպես կազմակերպության իրավասության շրջանակներում, այնպես էլ դրանից դուրս։ Նա վկայակոչել է «եվրոպական այլ երկրներ», որոնք երբեմն շատ բարձր են խոսում ամերիկյան հովանոցին իրենց կապվածության մասին, բայց իրենց ներկայությունը զգալի չէ, երբ բանը հասնում է ուղղակի միջամտությանը»։

Ֆրանսիայի պաշտպանության նախարար Ֆլորենս Փառլին խորհրդարանոմ ասել է, որ «լուրջ կասկածներ կան ԱՄՆ անվտանգության երաշխիքների առումով 5-րդ հոդվածի համաձայն, որը վերաբերում է հավաքական պաշտպանության սկզբունքին։

«Կան լուրջ հարցեր դաշնակիցների անվտանգության մասին, երբ թուրքերը հարձակվում են նրանց վրա, ով կռվում է ԻՊ-ի դեմ, իսկ հետո առաջ է գալիս ԵՄ ֆինանսավորման աղաղակող անբավարարությունը»,- ավելացրել է նա։

Չնշելով կոնկրետ երկրներ՝ Ֆրանսիայի վարչապետն ասել է, որ ՆԱՏՕ շարքերում կան խնդիրներ։ «Գոյություն ունեն բավական հակասական հարաբերություններ ՆԱՏՕ երկրների միջեւ»,- ասել է նա։ «Մենք բոլորս կարող ենք ձեւացնել, թե դաշինքում ամեն բան հիանալի է ստացվում, մենք կարող ենք ջանալ չտեսնել նրա որոշ անդամների անցանկալի հարաբերությունը, մենք բոլորս կարող ենք չտեսնել մի շարք դաշնակիցների անկանխատեսելի հարաբերությունները։ Բայց այդ հարաբերությունը, դժվարությունը, հարցը գյություն ունի»,- ավելացրել է նա։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Հայաստան են այցելել ՆԱՏՕ-ի փորձագետները
Դեկտեմբերի 9-ից 12-ը հերթական այցով Երևանում էր պաշտպանական կրթության զարգացման և բարեվարքության ամրապնդման հարցերով ՀՀ պաշտպանության...
ՀՀ ՊՆ, ԶՈւ և ԶՈւ ԳՇ վարչությունների ներկայացուցիչները մասնակցել են ՆԱՏՕ-ի Բրունսումի փորձագիտական խմբի դասընթացին
Դասընթացի շրջանակում ներկայացվել են ռազմավարական հաղորդակցության սկզբունքները, տեղեկատվական-հոգեբանական գործողությունների գործիքակազմն ու ազդեցությունը․․․
Թրամփը սպառնում է առեւտրային միջոցներ ձեռնարկել, եթե ՆԱՏՕ-ի անդամները չվճարեն ավելին
«Բազմաթիվ երկրներ մոտ են եւ դառնում են ավելի մոտ: Իսկ մի քանիսը՝ ոչ, եւ մենք կարող ենք ձեռնարկել միջոցներ»…
Թուրքիայում անխուսափելի են համարում ՆԱՏՕ-ի անվտանգության ռազմավարության թարմացումը
Չարժե մոռանալ, որ Թուրքիայի սահմանները ՆԱՏՕ-ի սահմաններն են…
ՆԱՏՕ-ի երկրների առաջնորդները պայմանավորվել են Բալթյան երկրների եւ Լեհաստանի պաշտպանության ծրագրի մասին
Գագաթաժողովից առաջ Թուրքիան սպառնացել էր արգելափակել այդ ծրագրի ընդունումը․․․
Էրդողանը համաձայնել է աջակցել Լեհաստանին եւ Բալթյան երկրներին վերաբերող ՆԱՏՕ-ի պաշտպանական ծրագրերին
Սա հսկայական ձեռքբերում է ոչ միայն մեր երկրի, այլեւ ողջ տարածաշրջանի համար․․․
Ամենաշատ