News
Լրահոս
News
Չորեքշաբթի
Դեկտեմբեր 11
USD
478.02
EUR
529.5
RUB
7.52
ME-USD
0.06
Տեսնել լրահոսը

Եթե Հայաստանի իշխանություններին հարցնեք բոլոր ուղղություններով խնդիրների մասին, նրանք դրանք կհերքեն: Այս մասին նոյեմբերի 15-ին «Վերնատուն» ակումբի նիստում ասաց ՀՅԴ Բյուրոյի ղեկավար Արմեն Ռուստամյանը:

«Հարցնեք՝ ինչու է ղարաբաղյան հակամարտության կարգավորումը փակուղում, կհավաստիացնեն, որ այդպես չէ: Հարցնեք, թե ինչ է կատարվում դատական համակարգի հետ, կպնդեն, որ այսպիսի ժողովրդավարություն բնավ չի եղել: Որ «մենք ժողովրդի իշխանությունն ենք, մենք ժողովրդի մանդատն ունենք, նախկինում այսպիսի մանդատով իշխանություն չի եղել»: Քանի դեռ իշխանությունները դուրս չեն եկել այսպիսի ինքնագոհ վիճակից, երկխոսության նշաններ չեն լինի: Երբ նրանց ասում ես, որ լուրջ խնդիրներ կան, նրանք, բովանդակության մասին մոռանալով, սկսում են ասողի անձը քննադատել՝ «նախկիններից», «սեւ» եւ այլն: Անհրաժեշտ է առարկայական քննարկումների հնարավորություն ստեղծել, լսել տարբեր տեսակետներ: Թող մեզ էլ համոզեն, որ երբեք այսքան լավ չի եղել: Բոլոր իշխանությունները հենց այդպես էլ ասում են, եւ ոչ մի իշխանություն սխալները չի ընդունում: Անհնար է անվերջ նույն բանը կրկնել: Անհնար է էյֆորիայի ազդեցությամբ ճիշտ ընտրություն կատարել, իսկ հետո մտածել՝ իշխանությունից ինչպես ազատվել»,- հայտարարեց Արմեն Ռուստամյանը:

Նրա խոսքով՝ ՀՅԴ-ն իշխանության գնահատման իր չափանիշն ունի. դա այն իշխանությունն է, որը երկրի տարածքային ռեսուրսը եւ Հայաստանի, Արցախի ու Սփյուռքի մարդկային ռեսուրսը ճիշտ է օգտագործում: «Բայց այնպիսի տպավորություն է, որ այլ ուղղությամբ ենք գնում, եթե ընդհանրապես գնում ենք: Անհասկանալի է, թե մենք տարբեր ուղղություններով ինչ ծրագրեր ունենք: Այնպիսի տպավորություն է, թե երկիրը ոչ թե ծրագրերով է զարգանում, այլ մի մարդու քմահաճույքով: Անհրաժեշտ է սթափվել: Սա պապուդ բանջարանոցը չէ, այլ երկիր: Իսկ այստեղ դատում են ըստ նրա, ով քանի կիլոմետր է գնացել, պաշտոն կստանա»,- նշեց Ռուստամյանը:

Ըստ նրա՝ 2018 թվականի ամենամեծ ձեռքբերումն այն է, որ ժողովուրդը հասկացավ, որ կարող է ոտքի կանգնել եւ իշխանություն փոխել կամ իր կամքը թելադրել իշխանություններին: Արմեն Ռուստամյանը որպես բացասական օրինակ բերեց Լեւոն Տեր-Պետրոսյանին. իշխանության եկավ 83 տոկոսով եւ որոշեց, որ իր պատմական առաքելությունն է իշխանությունը պահելը, եւ ստեղծեց իշխանության վերարտադրման համակարգեր: «Վախենամ, հիմա էլ է նույնը տեղի ունենալու: Հիմա նրանք իրենց փրկիչներ են համարում եւ իրենց «չի կարելի խայտառակվել», այնպես անել, որ հաջորդ ընտրություններին ավելի քիչ ձայն ստանան, այսինքն՝ կսկսի գործել իշխանության վերարտադրման մեխանիզմը:

Արմեն Ռուստամյանը շեշտեց, որ իշխանության են եկել ժողովրդի օգնությամբ եւ պետք է հեռանան ժողովրդի օգնությամբ՝ գիտակցված ընտրության միջոցով, այլ ոչ թե պաթոսի եւ էյֆորիայի:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
«Հրապարակ». Փաշինյանի լոզունգը, թե ԼՂ խնդրի լուծումը պետք է բավարարի բոլոր կողմերին ոչինչ չասող խոսք է. Ռ. Քոչարյան
Արցախը պետք է նախաձեռնությունն իր ձեռքը վերցնի և հստակ սահմանի իր դիրքորոշումը կարգավորման հիմնական բաղադրիչների վերաբերյալ…
7-րդ գումարման ԱԺ-ի «լուռ» պատգամավորները
7-րդ գումարման Ազգային ժողովի գործունեության գրեթե 1 տարվա ընթացքում 132 պատգամավորներից 19-ը հարց չեն տվել ու ելույթ չեն ունեցել...
Հասարակությունը Սերժ Սարգսյանից ու ՀՀԿ–ից մեկ քաղաքական հայտարարություն է սպասում. Հովհաննես Իգիթյան
Սերժ Սարգսյանին ոչ ոք չի լռեցրել...
«Իրատես». Փաշինյանին տապալելու խորհրդարանական սցենարը
Իրականում այս ամենը լավ մշակված սցենարի նախերգանք է, որով, ըստ մեր տեղեկությունների, խորհրդարանական ընդդիմությունը մտադիր է տապալել նրան…
«Հրապարակ». Վանեցյանը հիմնադրամ է ստեղծել
«Հայրենիք» զարգացման հիմնադրամի հիմնադիրներն են գեներալ-մայոր Արթուր Վանեցյանը, ԵՊՀ իրանագիտության ամբիոնի վարիչ, գիտությունների թեկնածու Վարդան Ոսկանյանը…
«Պարոնայք եւ տիկնայք, նույնիսկ ՀՀԿ-ի ժամանակ նման բան չի եղել».Գեւորգ Գորգիսյան
«Մեծամասնություն կազմող «Իմ Քայլ» դաշինքն ամենաբարձր մակարդակով խոսում է ժողովրդավարությունից, բայց 2019 թվականի ընթացքում գործուղման մեկնած 77...