Լիբանանի ֆինանսների նախկին նախարար Մուհամմեդ Սաֆադին համաձայնել է վարչապետ դառնալ: Այս մասին հայտարարել է Լիբանանի ԱԳՆ ղեկավարի պաշտոնակատար Ջեբրան Բասիլը, հաղորդում է ՏԱՍՍ-ը:
«Երկուշաբթի խորհրդարանական խորհրդակցությունների արդյունքով Սաֆադիին կհանձնարարվի նոր կառավարություն ձեւավորել»,- նրա խոսքը մեջբերում է Al Hadas-ը հեռուստաալիքը:
Տրիպոլիից 75-ամյա քաղաքական գործիչն ու գործարարը բազմիցս եղել է նախարարների կաբինետի կազմում ու 3 անգամ ընտրվել է խորհրդարանի պատգամավոր 2000 թվականից: 2011-13-ին զբաղեցրել է ֆինանսների նախարարի պաշտոնը Նաջիբ Միկատիի կառավարությունում: Սաֆադիի կինը՝ Վիոլետ Հայրալլան, կանանց եւ երիտասարդության աշխատանքի տեղավորման հարցերով պետական նախարար է եղել վարչապետ Սաադ Հարիրիի կառավարությունում, որը հրաժարական տվեց հոկտեմբերի 30-ին:
