News
Լրահոս
News
Երկուշաբթի
Դեկտեմբեր 09
USD
478.03
EUR
530.47
RUB
7.5
ME-USD
0.05
Տեսնել լրահոսը

ԱՄՆ Կոնգրեսի անդամներ Ջեքի Սփիերը, Ֆրենք Փալոնը եւ Ադամ Շիֆը նոյեմբերի 18-ին նամակ են հղել ԱՄՆ պետքարտուղար Մայք Պոմպեոյին, ուր կրկին մտահոգություն են հայտնել Հայաստանին ու Ադրբեջանին տրամադրվող ռազմական օգնության անհամաչափության կապակցությամբ, հաղորդում է «Ամերիկայի ձայնը»:

Շնորհակալություն հայտնելով պետքարտուղարին իրենց առաջին նամակին պատասխանելու եւ այս հարցի շուրջ անձնակազմի անդամների մակարդակով աշխատանքային հանդիպման համար՝ կոնգրեսականներն ընդգծում են, որ շարունակում են մտահոգված մնալ այս երկու երկրների միջեւ ռազմական օգնության չափերի հարցում: Նամակում կոնգրեսական Շիֆը, Սփիերն ու Փալոնը անհամաձայնություն են հայտնել ԱՄՆ պետքարտուղարի այն պնդման վերաբերյալ, ըստ որի, 102 միլիոն դոլարի ռազմական օգնությունը Ադրբեջանին չի խաթարում ղարաբաղյան հակամարտության խաղաղ կարգավորման գործընթացն ու չի օգտագործվի որեւէ կերպ Հայաստանի դեմ ռազմական հարձակման ժամանակ:

Նամակում կոնգրեսականները փաստել են, որ Ադրբեջանի ռազմական ներուժը վերջին տարիներին անընդմեջ աճում է: Նրանք ընդգծել են, որ ամերիկյան ռազմական օգնությունը հնարավորություն կտա Ադրբեջանին է՛լ ավելի մեծացնել ռազմական ներուժը եւՀայաստանի ու Լեռնային Ղարաբաղի դեմ հարձակում իրականացնելու հնարավորությունը:

«Կասկած չկա, որ Ադրբեջանին անվտանգության ոլորտում հատկացվող օգնության մեծացումը անհավասարակշռություն է ստեղծում տարածաշրջանում եւ անտեսում ԱՄՆ արտաքին քաղաքականության մեջ քսանամյա նախադեպը»,- նշում են կոնգրեսականները նամակում՝ շեշտելով, որ ռազմական օգնության համաչափ տրամադրումը միակ ճանապարհն է, որով ԱՄՆ-ը կարող է պահպանել տարածաշրջանային գերտերության հեղինակությունը, որը կարող է հաշտեցնել Ադրբեջանին եւ Հայաստանին:

Կոնգրեսականները կոչ են անում ԱՄՆ պետքարտուղարությանն ու պաշտպանության նախարարությանը Հայաստանի համար կազմակերպել համապատասխան դասընթացներ եւ տրամադրել սարքավորումներ՝ գործընկերային ներուժը մեծացնելու համար: Դա կօգնի անվտանգ դարձնել սահմաններն ու ռազմական հավասարություն ստեղծել, նշվում է նամակում: Կոնգրեսկանները նաեւ խնդրում են այս հարցի շուրջ հանդիպում կազմակերպել ԱՄՆ Կոնգրեսի անդամների ու համապատասխան նախարարությունների պատասխանատու պաշտոնյաների միջեւ:

Ամբողջական նամակը կարդացեք այստեղ:

!
Այս նյութը հասանելի է նաև   English
Տպել
Կարդացեք նաև
Ամբողջը
«Տեսնում էինք իրար վրա դրված դագաղների բուրգեր». 1988-ին Հայաստան ժամանած ամերիկացի փրկարարների հիշողությունները
Զանգը հնչեց, եւ մենք գնացինք անելու մեր աշխատանքը...
Մհեր Գրիգորյանը Լին Թրեյսիի հետ քննարկել է արդարադատության և ոստիկանության ոլորտներում ակնկալվող բարեփոխումները
Զրուցակիցները հանդիպման ընթացքում քննարկել են հատկապես արդարադատության և ոստիկանության ոլորտներում ակնկալվող բարեփոխումները…
«Իմ քայլը» պատասխանել է նախկին նախագահին. ՀՀ-ն նոր հարաբերություններ է կառուցում գործընկերների հետ
Համաձայն չեմ Սերժ Սարգսյանի տեսակետին, ասել է Մակունցը...
ՀՀ ԱԺ պատգամավորները Ղարաբաղ են հրավիրել իրենց ամերիկացի գործընկերներին
ԱՄՆ կատարած այցելության ժամանակ փորձել ենք հստակ ներկայացնել Հայաստանի դիրքորոշումը, ասել է Մակունցը...
Հայ-ամերիկյան բարեկամության խմբի հիմնական նպատակը երկկողմ հարաբերությունների մակարդակի բարձրացումն է. «Իմ քայլը»
Նրա խոսքով՝ ձեւաչափը ներառում էր հանդիպումներ ոչ միայն կոնգրեսականների, այլ նաեւ փորձագետների հետ...
Մենք ավելի նախաձեռնող ենք դարձել ամերիկացիների հետ հարաբերություններում. «Լուսավոր Հայաստան»
Նրա խոսքով՝ Հայաստանում հաճախ քննադատություններ են հնչում այն առնչությամբ, որ ԱՄՆ-ում հայկական պատվիրակությունը հիմնականում հանդիպում է եւ մոտ է Դեմոկրատական կուսակցության գործընկերների հետ...