Հայաստանում 500 հազար մարդ տառապում է թերսնման տարբեր ձեւերից: Այս մասին հայտարարել է Հայաստանում ՄԱԿ-ի պարենի համաշխարհային ծրագրի ներկայացուցիչ Ելենա Միլոշեւիչը:

Նրա խոսքով՝ տվյալ փաստը բացասաբար է անդրադառնում երկրի հնարավորությունների վրա, քանի որ պարենի նկատմամբ հասանելիության սահմանափակման դեպքում անհնար է որպես տնտեսության շարժիչ ուժ մարդկային ներուժի լիարժեք իրականացումը: «Նման իրավիճակը բազմաթիվ գործոնների, այդ թվում գյուղատնտեսական ռեսուրսների ոչ արդյունավետ օգտագործման արդյունք է, ինչը տարբեր խնդիրների, օրինակ՝ էմիգրացիայի պատճառ է դառնում»,- նշել է նա:

Միլոշեւիչը նկատել է, որ Հայաստանն ունի ներուժ եւ բնական ռեսուրսներ ոչ միայն պարենային խնդրի լուծման, այլ նաեւ այդ ոլորտում աճի շարժիչ ուժ դառնալու համար: «Երկրում կան մարդկային ռեսուրսներ, սակայն կա ողջ արդյունաբերական շղթայի հարթման արդյունավետության հետ կապված խնդիր՝ սննդամթերքի արտադրությունից մինչեւ սպառում»,- նշել է նա:

«Անհրաժեշտ է հաշվի առնել մարդու գնելու ունակությունը: Բացի այդ, կարեւոր է անհրաժեշտ պայմաններ ստեղծել բիզնեսի համար հողային բարեփոխումների անցկացման, ջրային ռեսուրների կառավարման արդյունավետության բարձրացման միջոցով եւ այլն»,- եզրափակել է Միլոշեւիչը:

Նշենք, որ նոյեմբերի 27-ին ՄԱԿ Համաշխարհային պարենային ծրագիրը (ՀՊԾ) Հայաստանում Իտալիայի դեսպանության հետ համագործակցությամբ կազմակերպել է միջազգային համաժողով՝ նվիրված մթերային ներդրումների հնարավորությանը եւ գործարարության զարգացմանը։