Հույն լրագրող Լազոս Մանտիկոսի վրա ANT1 հեռուստաալիքի առավոտյան շոուի ուղիղ եթերի ժամանակ հսկայական խոզ է հարձակվել։ Կենդանին փորձել է կծել լրագրողին՝ թույլ չտալով նրան պատմել ափամերձ Կինետ քաղաքում փոթորկի հետեւանքների մասին, հայտնում է Esquire-ը։
«Բարի լույս, մենք խնդիր ունենք,- իր ողջույնի սկզբում հայտարարել է լրագրողը,- Յորգոս, լսո՞ւմ ես ինձ։ Այստեղ խոզ կա, որն ամբողջ առավոտ հետապնդում է մեզ․․․ Կներեք, չեմ կարող կանգնել տեղում, ինձ կծում են»։
Դրանից հետո տեսախցիկը ցույց է տվել ստուդիայում ծիծաղող հաղորդավարներին։ Գործընկերոջն օգնելու փոխարեն, նրանք լրագրողին խորհուրդ են տվել «լուծել խոզի հետ կապված հարցը» եւ անցել են հաջորդ թեմային։
