Թայվանի արտաքին առեւտրի զարգացման խորհուրդը (ТAITRA) կարող է իր ներկայացուցչությունը բացել Հայաստանում։

Ինչպես Բիզնես-ինովացիոն 7-րդ համաժողովում (BIF-2019) «Արդյունաբերական հեղափոխության ինովացիոն ուղին» քննարկումների ժամանակ այսօր հայտնեց Առաջատար տեխնոլոգիաների ձեռնարկությունների միության (UATE) նախագահ Ալեքսանդր Եսայանը, Իսրայել կատարած իր այցի շրջանակներում Հայաստանում ТAITRA-ի ներկայացուցչություն բացելու նախնական պայմանավորվածություն է ձեռք բերվել։ Նա ընդգծեց, որ դա լավ հնարավորություն կդառնա այն ՏՏ-ընկերությունների համար, որոնք ուզում են արտահանել իրենց արտադրանքը։

Սրա հետ մեկտեղ, Եսայանը հավելեց, որ ներկայում հայկական ՏՏ-ընկերությունների մեծ մասը աշխատում է աուտսորսինգով, միայն քչերն են արտադրում եւ արտահանում վերջնական արտադրանքը։ «Ծրագրավորման գծով մենք կարողացել ենք հասնել զգալի հաջողությունների, այդ պատճառով այժմ մեզ անհրաժեշտ է մեր ուշադրությունը կենտրոնացնել բիզնես-ուղղությունների վրա։ Այն ընկերությունները, որոնք այսօր աշխատում են, պետք է սեփական արտադրանքն ունենան»,- նշեց նա։ Եսայանն ընդգծեց, թե ծրագրերը, որոնք հաջորդ տարի պլանավորում է իրականացնել բարձր տեխնոլոգիական արդյունաբերության նախարարությունը, ուղղված են հենց այդ նպատակի իրականացմանը։