ԿԳՄՍ նախարար Արայիկ Հարությունյանի հետ հանդիպման ակնկալիքով նախարարության շենքի մոտ հավաքված ՀՅԴ Հայաստանի երիտասարդական միության անդամներն այսօր`դեկտեմբերի 3-ին, նստեցին նախարարության դիմաց և հայտարարեցին, որ ընթերցանությամբ «պերֆորմանս» են անցկացնելու։
«Արայիկ Հարությունյանը պատրաստ չէ բովանդակային և լուրջ բանավեճի, քննարկման, այլապես կգար հանդիպման։ Տեսել է, որ մենք պատրաստ ենք, տեսել է, որ մենք կարող ենք նեղ վիճակում դնել իր թույլ քաղաքականությունը, դրա համար խուսափել է հանդիպումից»,-նշեցին երիատասարդները։
Նրանք նստեցին ԿԳՄՍ նախարարության դիմաց և սկսեցին ընթերցել Սահմանադրության հոդվածներից։
