Թուրքիայի մի շարք քրդական կուսակցություններ հավաքվել են Դիարբեքիրում եւ համատեղ արձանագրություն ստորագրել։
Թուրքական Artigercek կայքի փոխանցմամբ՝ Դիարբեքիրում հավաքված քրդական կուսակցությունները համատեղ ընդունած արձանագրության մեջ կոչ են արել քուրդ ժողովրդին ճնշումների ու բռնության դեմ միավորել ուժերը։ «Իշխող «Արդարություն եւ զարգացում» կուսակցությունը եւ «Ազգայնական շարժում» կուսակցությունը գործող միջազգային օրենքները եւ նորմերը խախտելով՝ մեր ժողովրդի կողմից ընտրած քաղաքապետերին հեռացնում եւ իր մարդկանց է նշանակում։ Այսպիսով հարված է հասցվում ժողովրդավարությանը»,–նշվել է արձանագրության մեջ։
Քրդական կուսակցությունների հավաքը նախաձեռնել էր Թուրքիայի խորհրդարանի միակ քրդական կուսակցություն «Ժողովուրդների դեմոկրատական» կուսակցությունը։
