News
Լրահոս
News
Կիրակի
Հունվար 19
USD
479.61
EUR
533.71
RUB
7.81
ME-USD
0.06
Տեսնել լրահոսը

«Ազատ հայրենիք» կուսակցության նախագահ, Շուշիի տեխնոլոգիական համալսարանի հոգաբարձուների խորհրդի նախագահ, Արցախի Հանրապետության նախկին վարչապետ Արայիկ Հարությունյանը Միավորված ազգերի կազմակերպության գլխավոր քարտուղար Անտոնիո Գուտերեսին նամակ է հղել։

Նամակն ամբողջությամբ ներկայացնում ենք ստորև.

«Ողջունում ենք Միավորված ազգերի կազմակերպության՝ դեկտեմբերի 2-ին Իսպանիայի մայրաքաղաք Մադրիդում մեկնարկած կլիմայական հարցերով 25-րդ վեհաժողովի աշխատանքները և հայտնում, որ ամբողջությամբ կիսում ենք գլոբալ տաքացման դեմ ուղղված ՄԱԿ-ի մտահոգություններն ու գործադրած ջանքերը:

Որպես Արցախի չճանաչված Հանրապետության նախկին վարչապետ՝ կարող եմ փաստել, որ դեռևս 2008թ.-ից վերականգնվող էներգիայի արտադրության ուղղությամբ սկսած ծրագրերի արդյունքում անցած տասը տարիներին մեզ հաջողվել է մեր փոքրիկ հանրապետությունն ամբողջությամբ ապահովել վերականգնվող էներգիայով: Այսօր հպարտությամբ արձանագրում եմ, որ վերականգնվող էներգիայի հաշվին ինքնաբավ լինելուց զատ մենք դարձել ենք էլեկտրաէներգիա արտահանող պետություն: Եվ դա այն դեպքում, երբ որևէ միջազգային ֆինանսական աջակցությունից չենք օգտվել, երբ գտնվում ենք Ադրբեջանի Հանրապետության հետ ռազմական հակամարտության մեջ:

Ո՛չ Ադրբեջանի հետ հակամարտությունը, ո՛չ Արցախի միջազգային կարգավիճակը չեն կարող մեզ զրկել աշխարհի լիիրավ մաս կազմելու և գլոբալ մարտահրավերներին դիմագրավելու գործում մեր բաժին մասնակցությունն ունենալու իրավունքից, քանի որ գլոբալ խնդիրները սահմաններ ու կարգավիճակ չեն ճանաչում:

Կլիմայական փոփոխությունների և գլոբալ տաքացման դեմ պայքարին ուղղված Ձեր կոչում առաջիկա տասը տարիների համար նշաձող սահմանեցիք ջերմային գազերի՝ մինչև 45 տոկոս կրճատումը: Մենք միանում ենք Ձեր կոչին և հայտարարում, որ Արցախի Հանրապետությունում կգործադրենք բոլոր հնարավորություններն այդ գազերի արտանետումները մինչև 70 տոկոս կրճատելու ուղղությամբ: Արցախի Հանրապետությունը մեծապես կանաչ պետություն դարձնելու բոլոր նախադրյալները ստեղծված են, և, համոզված եմ, որ հեռու չէ այն օրը, երբ իմ սիրելի հայրենիքը կդառնա աշխարհի ամենաօրինակելի պետություններից մեկը:

Հարգե՛ք մեր ժողովրդի իրավունքները, առավել ևս, երբ նա մեր մոլորակի առաջ ծառացած խնդիրների դեմ պայքարում պատրաստ է առաջիններից լինել»:

!
Այս նյութը հասանելի է նաև   English
Տպել
Կարդացեք նաև
Ամբողջը
Ռուսաստանը համաձայն չէ իրանական միջուկային համաձայնագրից դուրս գալու Թրամփի կոչի հետ
Կա պայմանավորվածություն, շատ լավ մշակված, փոխզիջումային, որը անհրաժեշտ է կատարել․․․
ՄԱԿ-ը ողջունում է Իրանի հարցով Թրամփի հայտարարությունը
Մենք ողջունում ենք ցանկացած հայտարարություն, որը կոչ է անում խուսափել լարվածությունից․․․
ՄԱԿ-ի գլխավոր քարտուղարը կոչ է արել խուսափել Պարսից ծոցում պատերազմից
«Գլխավոր քարտուղարը կշարունակի ակտիվ բանակցությունները ներգրավված կողմերի հետ...
Իրանը ՄԱԿ Անվտանգության խորհրդից պահանջել է դատապարտել ԱՄՆ սպառնալիքները
ՄԱԿ ԱԽ-ը պետք է դատապարտի ԱՄՆ սպառնալիքները...
Իրանը դիմել է ՄԱԿ ԱԽ՝ գեներալ Սոլեյմանիի սպանության առնչությամբ
Իրանում խոստանում են վրեժ լուծել...
ՄԱԿ-ի Գլխավոր քարտուղարը հույս ունի, որ Փհենյանը չի վերսկսի միջուկային փորձարկումները
«ՄԱԿ-ի Գլխավոր քարտուղարը մեծ հույսեր ունի, որ փորձարկումները չեն վերսկսվի՝ ՄԱԿ-ի Անվտանգության Խորհրդի բանաձեւին համապատասխան»…
Ամենաշատ