News
Լրահոս
News
Չորեքշաբթի
Հունվար 22
USD
479.33
EUR
531.82
RUB
7.75
ME-USD
0.06
Տեսնել լրահոսը

«Այս տարի նշում ենք Հիմնարար իրավունքների մասին ԵՄ խարտիայի 10-ամյակը և Երեխայի իրավունքների մասին ՄԱԿ-ի կոնվենցիայի 30-ամյակը: Այնուամենայնիվ, աշխարհում շարունակում են այս իրավունքների դեմ մարտահրավեր նետել: Մասնավորապես, երեխաները և երիտասարդները շարունակում են մնալ մարդու իրավունքների ոտնահարման հիմնական զոհերը: Նրանք հարկադրված են լինում ապաստան փնտրել, զորակոչվել որպես զինվոր, ստիպված են լինում երեխաների աշխատանքի կամ իրենց կամքից հակառակ բաժանվել ընտանիքներից: Այդ մասին ասվում է Մարդու իրավունքների օրվա կապակցությամբ ԵՄ անունից Բարձրագույն ներկայացուցիչ Ջուզեպ Բորելի հայտարարությունում:

«Աշխարհի շատ վայրերում քաղաքացիները մոբիլիզացվում են հօգուտ մարդու իրավունքների: Իրավապաշտպանները դուրս են գալիս փողոց ՝ պահանջելով հարգել իրենց իրավունքները՝ լինի դա քաղաքացիական, քաղաքական, տնտեսական, սոցիալական թե մշակութային: Մասնավորապես, երիտասարդներն ավելի ու ավելի ակտիվ են հանդես եկել իրենց իրավունքների և ապագայի պաշտպանության օգտին:

Այս փոփոխվող գլոբալ աշխարհում Եվրամիությունը շարունակում է մնալ բազմակողմ համակարգի ամենակուռ կողմնակիցը: Այն մարդու իրավունքների խթանման և պաշտպանության հիմնասյունն է: Եվրամիությունը կամրապնդի իր վաղեմի հանձնառությունը և կկենտրոնանա նոր հարցերի ուղղությամբ, ինչպիսիք են արհեստական բանականությունը կամ կլիմայի փոփոխությունը:

ԵՄ-ն վերահաստատում է իր կուռ հանձնառությունը բոլոր կանանց և աղջիկների կողմից իրավունքների լիարժեք իրացման նկատմամբ: Եվրամիության՝ որպես համաշխարհային դերակատարի ակտիվ ներգրավվածության շնորհիվ ունենք կարևոր ձեռքբերումներ 2019-ին Մարդու իրավունքների խորհրդում և ՄԱԿ-ի Գլխավոր ասամբլեայում: Մասնավորապես, Եվրամիությունը նպաստել երեխայի իրավունքների և կրոնի ազատության կամ հավատքի ուղղությամբ առաջխաղացմանը: Այն ստեղծել է կոնսենուս մարդու իրավունքների խնդրահարույց իրավիճակների շուրջ ԿԺԴՀ-ում, Մյանմարում և Սիրիայում: Եվրամիությունը շարունակել է համագործակցել քաղաքացիական հասարակության, իրավապաշտպանների, ակադեմիայի, մասնավոր հատվածի և այլնի հետ` մարդու իրավունքների պաշտպանության օրակարգում առաջխաղացում գրանցելու ուղղությամբ:

Այս տարի դեկտեմբերի 3-ին և 4-ին Բրյուսելում կայացած ԵՄ-ՀԿ-ի համաժողովը, որին մասնակցում էին շուրջ քաղաքացիական հասարակության 200 ակտիվիստ և մարդու իրավունքների պաշտպան, ուսումնասիրել է Եվրոպական միության դերը արդար բնապահպանական ապագայի առաջխաղացման գործում և ներկայացրել առաջարկություններ ՝ հնարավոր թիրախային գործողությունների վերաբերյալ: Հողի և բնական պաշարների կառավարումն այսօր աշխարհի առջև ծառացած կարևորագույն մարտահրավերներից մեկն է: Եվրամիությունը գիտակցում է մարդու իրավունքների պաշտպանների աշխատանքի կարևորությունը `հաճախ մեծ անբարենպաստության և անձնական միջոցների ներդրման պայմաններում: Եվրամիությունն իր բոլոր գործընկերներին կոչ է անում թույլ տալ մարդու իրավունքների պաշտպաններին աշխատել անվտանգ և բարենպաստ միջավայրում ՝ զերծ խոչընդոտներից և ոչ ապահով պայմաններից:

Եվրոպական միությունը կշարունակի պաշտպանել, խրախուսել և իրականացնել մարդու իրավունքների պաշտպանությունը բոլոր այն երկրների, կազմակերպությունների և անհատների հետ, որոնք ներգրավված են առկա և նոր մարտահրավերներին արդյունավետ և նորարարական ճանապարհով արձագանքելու գործում: Շատ ձեռքբերումներ ունենք, սակայն անելիք դեռ շատ կա»,- ասվում է հայտարարությունում:

!
Այս նյութը հասանելի է նաև   English
Տպել
Կարդացեք նաև
Ամբողջը
Պեկինը ԵՄ-ին հավաստիացրել է, որ ԱՄՆ-ի հետ համաձայնագիրը չի անդրադառնա Չինաստանի եւ Եվրոպայի հարաբերությունների վրա
Եվրամիությունը ուշադիր կհետեւի իրավիճակին...
Շատ տպավորված եմ դատական բարեփոխումների առաջխաղացման ուղղությամբ գործադրվող բոլոր ջանքերով․ ԵՄ դեսպան
Հարցին՝ ժողովրդավարության ճանապարհին Հայաստանին ո՞ր հիմնական խոչընդոտներն են անհրաժեշտ հաղթահարել, դեսպանն ասաց․․․
ԵՄ-ն ուշի ուշով հետեւում է զարգացումների ընթացքին․ Դեսպանը՝ ՍԴ-ի շուրջ ծավալվող իրադարձությունների մասին
Արդարադատության նախարարությունը սերտ շփումների մեջ է միջազգային կառույցների հետ․․․
Ներկայացվել են Հայաստանում Մարդու իրավունքների պաշտպանի չափորոշիչները կտտանքների կանխարգելման գործում
Քննարկում Երեւանում...
ԵՄ-ը կստուգի ԱՄՆ-ի եւ Չինաստանի առեւտրային համաձայնագիրը
ԵՄ-ը կստուգի, թե համապատասխանում է արդյոք առեւտրային համաձայնագիրը գլոբալ կանոններին...
Եվրախորհրդարանը կոչ է արել կարգավորել Արեւելյան գործընկերության երկրներում հակամարտությունները
Եվրախորհրդարանը վճռականորեն նշել է «Արեւելյան հարեւանության տարածքներում ձգձգվող հակամարտությունների դեմ միջազգային իրավունքի հիման վրա ակտիվ դիրքորոշում զբաղեցնելու կարեւորությունը»...