News
Լրահոս
News
Կիրակի
Հունվար 19
USD
479.61
EUR
533.71
RUB
7.81
ME-USD
0.05
Տեսնել լրահոսը


Երեկ տեղի է ունեցել շատ կարևոր և պատմական իրադարձություն՝ ԱՄՆ Սենատը միաձայն ճանաչել է հայոց Ցեղասպանությունը, ընդունել է Ցեղասպանությունը ճանաչող և դատապարտող բանաձև և ես ուզում եմ հայ ժողովրդի անունից գնահատանաքի խոսքեր ասել ԱՄՆ Սենատի բոլոր անդամներին, նաև ուզում եմ գնահատանաքի խոսքեր ասել Ներկայացուցիչների պալատի անդամներին, և ուզում եմ գնահատանաքի խոսքեր ասել ԱՄՆ հայությանը, բոլոր կազմակերպություններին, անհատներին, որոնք ներդրում են ունեցել այս կարևոր և պատմական որոշման կայացման գործում և  ընդհանրապես շնորհավորել հայ ժողովրդին ճշմարտության այս պատմական հաղթանակի առիթով, ինչը Հայոց ցեղասպանության միջազգային ճանաչման նոր էջ է բացում և այդ գործընթացը բերում է նոր մակարդակի: Այս մասին այսօր՝ դեկտեմբերի 12-ին ասաց ՀՀ վարչապետ Նիկոլ Փաշինյանը։

«Մենք բազմիցս ենք արձանագրել, որ Հայոց ցեղասպանության միջազգային ճանաչումը մեզ համար կարևոր է ոչ միայն պատմական ճշմարտության արձանագրման առումով, այլ նաև որպես ցեղասպանությունների կանխարգելման գլոբալ շարժման մի կարևոր բաղադրիչ: Եվ դուք տեղյակ եք, որ հենց Հայաստանի առաջարկությամբ Միացյալ ազգերի կազմակերպությունը դեկտեմբերի 9-ն ընդունեց որպես Ցեղասպանության հանցագործության զոհերի հիշատակի ու արժանապատվության և այդ հանցագործության կանխարգելման օր»,-նշեց նա:

Վարչապետը շեշտեց՝ Հայոց ցեղասպանության ճանաչումը մեզ համար նաև անվտանգային կոմպոնենտ ունի․ «Բայց շատ կարևոր է արձանագրել, որ Հայոց ցեղասպանության ճանաչումը մեզ համար նաև անվտանգային կոմպոնենտ ունի և կարևոր է մեր երկրի և ժողովրդի անվտանգության ապահովման տեսակետից: Եվ ուզում եմ ընդգծել, որ ոչ թե 1915 թվականի ցեղասպանությունը, այլ Թուրքիայի ժխտողական քաղաքականությունն է ստիպում արձանագրել, որ Թուրքիան շարունակում է սպառնալիք լինել հայ ժողովրդի և ՀՀ համար, ավելի ճիշտ՝ այդ քաղաքականությունն է սպառնալիք ՀՀ և հայ ժողովրդի համար: Եվ գիտեք, որ ըստ էության շատ երկար ժամանակ, արդեն մոտ 30 տարի Թուրքիան շարունակում է փակ պահել Հայաստանի սահմանը, և այս իրողությունները մեկը մյուսի շարունակությունն են: Եվ ես կարծում եմ, որ ընդհանուր առմամբ նաև Միացյալ նահանգների և մի շարք այլ երկրների կայացրած որոշումներն արձանագրում են Թուրքիայի վարած ապակառուցողական ու ագրեսիվ քաղաքականությունը մեր տարածաշրջանում։ Թուրքիան այսօր ագրեսիվ քաղաքականություն է վարում Սիրիայի, Իրաքի, Կիպրոսի, Հունաստանի նկատմամբ: Եվ Թուրքիան շրջափակված է պահում Հայաստանը, սա ի ցույց է դնում այն դերակատարումը, որն այսօր մեր տարածաշրջանում ունի: Այս առումով, նաև միջազգային հանրությունը պետք է հստակ դիրքորոշում հայտնի Թուրքիայի գործողությունների կապակցությամբ և Թուրքիային քաջալերի, որպեսզի ինքը վերագնահատի ու բերագնահատաի, վերանայի իր դերը մեր տարածաշրջանում»:

Վարչապետի խոսքով՝ Հայոց ցեղասպանության ճանաչումը հենց առաջին հերթին Թուրքիային է անհրաժեշտ․ «Ինչպես ՀՀ բոլոր կառավարությունները, մեր կառավարությունը նույնպես արձանագրում է, որ մենք պատրաստ ենք Թուրքիայի հետ հարաբերություններ հաստատել առանց նախապայմանների: Եվ ընդ որում, մենք ասել ենք, որ Հայոց ցեղասպանության ճանաչումը մեզ համար Թուրքիայի հետ հարաբերությունների օրակարգի հարց չէ: Հայոց ցեղասպանության ճանաչումը հենց առաջին հերթին Թուրքիային է անհրաժեշտ՝ իմ նշած գործառույթի շրջանակներում, որպեսզի Թուրքիան վերանայի իր դերակատարումը մեր տարածաշրջանում»։

Դեկտեմբերի 9-ը՝ Ցեղասպանության հանցագործության զոհերի հիշատակի ու արժանապատվության և այդ հանցագործության կանխարգելման օր հռչակելու  մասով Նիկոլ Փաշինյանը ասաց, որ Հայոց ցեղասպանության զոհերը նաև արժանապատվության պաշտպանության խնդիր ունեն․ «Կարող է առաջին հայացքից տարօրինակ թվալ, որ Հայոց ցեղասպանության զոհերը նաև արժանապատվության պաշտպանության խնդիր ունեն, բայց Թուրքիայի նախագահի՝ այս տարի Հայոց ցեղասպանության զոհերի նկատմամբ արված անպարկեշտ և ցինիկ արտահայտություները եկան, որ նման պաշտպանության կարիք կա»:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Կանադայում 105 տարեկանում մահացել է Ցեղասպանությունը վերապրած Եվգենյա Փափազյանը. Մայրը նրան ծննդաբերել էր ձորում
Կինը բազմանդամ ընտանիք է ունեցել, սակայն հարազատներից որեւէ մեկին չի հանդիպել...
Էրդողանը Բարձրագույն խորհրդատվական խորհրդի հետ քննարկել է Հայոց ցեղասպանության ճանաչման դեմ քայլերը
միջազգային որոշ շրջանակներ ցանկանում են 1915–ի միջով թուրքերի մեջ պառակտում մտցնեն...
«Նախագահ Թրամփն արժանի չէ ճանաչելու Հայոց ցեղասպանությունը»
Թրամփի կողմնակիցներին նյարդայնացրել էր այն հանգամանքը, որ մի քանի թերթեր անվանապես անդրադարձել էին նախագահ Թրամփին՝ որպես «Հայոց ցեղասպանություն» եզրը մերժողի...
Հայաստանը պետք է օգտագործի ցանկացած գլոբալ գործընթաց Ցեղասպանության ճանաչման համար. քաղաքագետ
ԱՄՆ Կոնգրեսի բանաձեւերը պամությունը չեն շրջի...
Հայոց ցեղասպանության ճանաչումը 2019-ին ամենաթերագնահատված թեմաներից է. «The Washington Post»
Թերթի լրագրողը Հայոց ցեղասպանության ճանաչման թեման ներառել է ամենաթերագնահատված թեմաների ցուցակում...
Օսմանյան շրջանում 2.5 մլն էինք, հիմա՝ 40 հազար. Մաշալյանը կրկին հիշեցրել է երկխոսության մասին
1915–ը հայերի մեջ գետենիկորեն է փոխանցվում սերնդեսերունդ...
Ամենաշատ