Էստոնիայի ՆԳ նախարար, Պահպանողական ժողովրդական կուսակցության նախագահ Մարտ Հելմեն մեկնաբանել է Ֆինլանդիայի վարչապետի պաշտոնում Սաննա Մարինի նշանակումը՝ նշելով, որ «վաճառողուհին բարձրացել է մինչեւ վարչապետ», փոխանցում է TRE Raadio-ն:
Դեկտեմբերի 10-ին Ֆինլանդիայի խորհրդարանը հավանություն էր տվել 34-ամյա Սաննա Մարինի նշանակմանը պետության վարչապետի պաշտոնում, որը նախկինում ղեկավարել էր երկրի տրանսպորտի եւ կապի նախարարությունը:
«Մազերդ բիզ-բիզ են կանգնում Ֆինլանդիայում ներկայումս տեղի ունեցածից: Ես այս կապակցությամբ կհիշեցնեի Վլադիմիր Ուլյանով-Լենինի խոսքն այն մասին, որ ցանկացած խոհարարուհի կարող է նախարար դառնալ կամ՝ չեմ հիշում կոնկերտ ինչպես է արտահայտվել»,- ասել է նա:
Հելմեի խոսքով՝ Մարինի նշանակումը կարելի է նկարագրել՝ «վաճառողուհին բարձրացել է մինչեւ վարչապետ» բառերով: Դրանից բացի, նրան վրդովել է այն, որ «փողոցային ակտիվիստները եւ անկիրթ մարդիկ» նույնպես մտել են ֆիննական կառավարություն:
Մարինը դարձել է աշխարհում ամենաերիտասարդ գործող վարչապետը: Նրան օգտին է քվեարկել քվեարկությանը մասնակցած կուսակցության ղեկավարության 61 անդամից 32-ը, նրա մրցակցի՝ սոցիալ-դեմոկրատների խորհրդարանական խմբակցության նախագահի օգտին է քվեարկել 29 մարդ:
Գործակալությունը հայտնում է, որ Ֆինլանդիայում առաջին անգամ 5 իշխող կուսակցությունների առաջնորդներ են ընտրվել կանայք:
Հոկտեմբերին բելգիացի քաղաքական գործիչ Սոֆի Վիլմեսը նշանակվել էր երկրի վարչապետի պաշտոնակատար: