Մերձմոսկվայում Ռուզա գետի ափին, Շորնովո գյուղի մոտ անհայտ տղամարդու մարմին են գտել։ Դիակը գլուխ եւ դաստակներ չունի, հայտնում է «Ռոսբալտը»՝ հղում կատարելով ՌԴ ՔԿ-ին։
Տղամարդը մահացել է մոտ հինգ օր առաջ։ Մարմնի գտնելու փաստով քրեական գործ է հարուցվել «Սպանություն» հոդվածով։ Քրեագետները նայել են դեպքի վայրը, վերցրել հանցանքի հնարավոր ապացույցները։ Նշանակվել է դատաբժշկական փորձաքննություն։ Սպանվածի անձը պարզելու միջոցներ են նախաձեռնվել։
Հիշեցնենք, որ դեկտեմբերի 10-ին նման դեպք էր տեղի ունեցել նաեւ մերձմոսկովյան Նիկիֆորովո գյուղի մոտ։ Այնտեղ եւս տղամարդու գլխատված դի էր գտնվել։ Մահացածը 37-ամյա մոսկվացի էր։ Հայտնաբերման պահին նա արդեն մեկ օր մահացած էր։ Կատարվում է հետաքննություն։