Եվրասիական տնտեսական հանձնաժողովը ներկա պահին աշխատում է հայկական վարորդական իրավունքների ճանաչման համաձայնագրի շուրջ։ Այս մասին Ազգային ժողովում դեկտեմբերի 18-ի մամուլի ասուլիսում ասաց Տարածաշրջանային եւ եվրասիական ինտեգրման խորհրդարանական մշտական հանձնաժողովի նախագահ, «Բարգավաճ Հայաստան» կուսակցության պատգամավոր Միքայել Մելքումյանը։
Նա հիշեցրեց, որ ժամանակին Ռուսաստանի Պետդումայի ԱՊՀ գործերի կոմիտեի նախագահի առաջին տեղակալն ասել էր, որ հարցը կլուծվի մինչեւ ընթացիկ տարեվերջ։
«Նոյեմբերի կեսին ես Եվրասիական տնտեսական հանձնաժողովի Կոլեգիայից տեղեկություն ստացա այն մասին, որ պատրաստվում է այս հարցի լուծումը, ինչպես նաեւ համաձայնագիր ԵՏՄ շրջանակում, քանի որ Ռուսաստանի օրենսդրության այս կետը այսօրվա դրությամբ հակասում է ԵՏՄ-ում Մոսկվայի պարտավորություններին»,- պարզաբանել է Մելքումյանը։
Նա նաեւ նշեց, որ Հայաստանում, ի թիվս այլոց, ընդունվել է համապատասխան որոշում, բայց Ռուսաստանում վարորդ են աշխատում զգալի թվով հայ քաղաքացիներ, քան հակառակը։
Պատգամավորն ասաց, որ պետք է սպասել, մինչեւ որ որոշումը պատրաստ լինի, եւ ԵՏՄ բոլոր երկրները այն վավերացնեն։ Միեւնույն ժամանակ, նա չբացառեց, որ հարցի մեջ քաղաքական տարր կա։
