News
Լրահոս
News
Շաբաթ
Հուլիս 11
USD
486.73
EUR
549.62
RUB
6.84
ME-USD
0.02
Տեսնել լրահոսը

Սահմանադրական դատարանի նախագահ Հրայր Թովմասյանին մեղադրանք ներկայացնելը աննախադեպ երեւույթ է։ Այս մասին դեկտեմբերի 27-ին լրագրողների հետ հանդիպման ժամանակ ասաց «Երկիր ծիրանի» կուսակցության նախագահ, փաստաբան Զարուհի Փոստանջյանը։

Նրա խոսքով՝ ՍԴ նախագահը ենթարկվում է հետապնդումների այն պատճառով, որ դեմ է հանդես եկել իշխանությունների ցանկությանը եւ հրաժարվել կատարել նրանց քմահաճույքը, մասնավորապես՝ Ռոբերտ Քոչարյանի գործով։ «Եթե գործող իշխանություններն այդպես են պատկերացնում Սահմանադրական դատարանի աշխատանքը, ապա ստացվում է, որ իշխանությունը մեր երկրում հերթական անգամ բռնազավթվել է, եւ ոչ մի փոփոխություն այդ առումով տեղի չի ունեցել»,- ընդգծել է Փոստանջյանը։

Նա միեւնույն ժամանակ նշել է, որ Սահմանադրությունը, որն այսօր գործում է Հայաստանում, ընդունվել է նախկին իշխանությունների օրոք հանրաքվեի արդյունքները կեղծելու ճանապարհով։ Քաղաքական գործիչը նշեց, որ Հրայր Թովմասյանը, մեծ հաշվով, չի կարող պատասխանատվություն կրել այն խախտումների համար, որոնք կատարվել են նախկին իշխանությունների կողմից։ «Երկիր ծիրանիի» ղեկավարը ավելացրեց, որ իշխանությունը փորձում է ճնշում գործադրել ՍԴ-ի վրա, եւ այդ պատճառով դիմում է տարբեր մեթոդների, ընդհուպ մինչեւ դատարանների շենքերն արգելափակելը, այլախոհների հարազատներին վախեցնելը, ՍԴ անդամներին Հատուկ քննչական կոմիտե կանչելը եւ այլն։

Այս գործողությունները, Փոստանջյանի կարծիքով, անօրինական են եւ արժանի են դատապարտման։ «Համակարգը պետք է փոխվի, եւ դա փաստ է։ Ակնհայտ է, որ դատարանները բնակչության աջակցությունը չեն ունեցել, եւ որ նրանց գործունեությունը եղել եւ մնում է կասկածի տակ։ Դատական համակարգում անհրաժեշտ են բարեփոխումներ, բայց նման մեթոդներն անընդունելի են, եւ ամեն ինչ պետք է իրականացվի օրենքի շրջանակում»,- համոզված է ընդդիմադիր քաղաքական գործիչը։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Պետք է փորձենք այս թիմով շարժում ձեւավորել Հայաստանում. Ռոբերտ Քոչարյան
Հուսով եմ, որ պատրաստ եք նման զարգացումների, բայց իմ կարծիքով այդպիսի տրանսֆորմացիան ամենից բնականը կլինի այսօր...
Ինչն է այսօր երկրի պրոբլեմը եւ ով է դրանց հեղինակը. այս հարցում, կարծում եմ, բոլորն ունեն նույն կարծիքը. Քոչարյան
Նա հիշեցրեց, որ իր նախագահության շրջանում առաջ էր քաշել ոչ թե ուժեղ պետության, այլ կազմակերպված պետության թեզը...
Իշխանությունները պատրաստ չեն լսել որեւէ մեկին, հատկապես ընդդիմադիր կեցվածք ունեցողներին. Ռոբերտ Քոչարյան
Մեք չենք կարող կողքից աջակից կամ թիմակից լինելով ազդեցություն ունենալ տնտեսական քաղաքականության վրա...
Ծառուկյանից վախենալ պետք չէ, պետք է վախենալ առանց աշխատանք մնացած հազարավոր մարդկանցից. Հայտարարություն
Ես իմ քաղաքական գործունեությամբ շատ հաճախ եղել եմ խորը սոցիալական լարվածության մեջ գտնվող լայն զանգվածների եւ իշխանության միջեւ բալանսավորող, մեղմացնող կամուրջ...
Իշխանությունը փողոցում է, բայց «փողոց չկա». Վահե Հովհաննիսյան
Եթե բացառում ենք «սև կարապի» գործոնը, ապա Հայաստանում փոփոխությունների տրամաբանությունը լինելու է նույնը...
«Հրապարակ». «Ա1+»-ը պատրաստվում է 2021 թվականի կապուղիների մրցույթին
Անկախ հեռուստակայանները եւ ռադիոկայանները ոչ մի բան պարտավոր չեն...