Հունվարի 4-ին ոստիկանության «Զվարթնոց» օդանավակայանի գծային բաժնի քրեական հետախուզության բաժանմունքում օպերատիվ տեղեկություններ ստացվեցին, որ ժամանման սրահում 60․450 ռուբլի են գողացել։ Այս մասին NEWS.am-ը տեղեկանում է ոստիկանության լրատվական ծառայությունից։

Տեղեկությունների հիման վրա ձեռնարկված հետախուզական միջոցառումների արդյունքում ոստիկանության ծառայողները պարզեցին գողությունը կատարած անձի ինքնությունը։ Գեղարքունիքի Մարզի Ներքին Գետաշեն գյուղի բնակիչ, 51-ամյա տղամարդը հրավիրվեց բաժին ու խոստովանեց կատարածը։ Հետագա միջոցառումներով հայտնաբերվեց նաև գողոնը։ 60․450 ռուբլին վերադարձվել է տուժողին։ Հանգամանքները պարզվում են։