Ամերիկացի գործարար Իլոն Մասկը կարծում է, որ Tesla-ի էլեկտրաքարերը կկարողանան դիմել հետիոտններին դինամիկների միջոցով: Այս մասին գործարարը գրել է Twitter-ում, հաղորդում է ՏԱՍՍ-ը:
Մասկը տեսագրություն է ձայնագրել, որում պատկերված է ճանապարհով դանդաղ անցնող Tesla-ի մեքենան: Տեսագրության մեջ լսվում է համակարգչի միջոցով մշակված ձայն, որն ասում է. «Մի կանգնիր հենց այնպես, ցատկիր: Երկա՞ր եք սովորել նման դեմքի արտահայտություն անել»:
Մասկը պարզաբանել է, որ Tesla-ի մեքենաները շուտով «կկարողանան խոսել մարդկանց հետ»: Գործարարը նաեւ հայտնել է, որ այդ գործառույթը թույլ կտա շփվել հետիոտնների հետ, սակայն այլ մանրամասներ չի ներկայացրել:
Engadget ռեսուրսի հաղորդմամբ՝ նշված գործառույթը կարող է վարորդին թույլ տալ դիմել շրջապատից որեւէ մեկին առանց ապակին իջեցնելու: Դա, օրինակ, կարող է օգտակար լինել անուշադիր հետիոտնին մոտեցող մեքենայի մասին զգուշացնելու համար:
Tesla ընկերությունը հիմնադրվել է 2003 թվականին Իլոն Մասկի կողմից։ Նախ այն անվանվում էր Tesla Motors, սակայն հետագայում վերանվանվեց Tesla։ Ընկերության կենտրոնատեղին գտնվում է Պալո Ալտոյում (Կալիֆոռնիա)։ Սկզբում ընկերությունը մասնագիտանում էր էլեկտրամեքենաների արտադրության ոլորտում, բայց հետո սկսեց զբաղվել արեւային մարտկոցների եւ էներգակուտակիչ այլ համակարգերի ստեղծմամբ։