Եթե Կենտրոնական բանկը համեմատում եք Հռոմի պապի հետ, ապա կարծում եմ, որ սխալ գործունեությամբ եք զբաղվում: Հայաստանում հանրահավաքներ ոչ ոք չի անի, քանի որ ներդրողները բողոքի ակցիաներ չեն անցկացնում, այլ համապատասխան գործողություններ են իրականացնում: Այս մասին Ազգային ժողովում նիստի ժամանակ «Քրեական դատավարության մասին» եւ «Բանկային գաղտնիքի մասին» օրենքներում փոփոխություններ եւ լրացումներ կատարելու մասին օրինագծերի փաթեթի երկրորդ ընթերցմամբ քննարկման ընթացքում հայտարարեց «Լուսավոր Հայաստան» կուսակցության պատգամավոր Մանե Թանդիլյանը՝ քննդատելով «Իմ քայլի» դիրքորոշումը:
Նա նշեց, որ օրենսդրական փաթեթը որոշակի սպառնալիքներ է պարունակում եւ առաջարկեց հաշվի առնել բոլոր առկա ռիսկերը: «Հայաստանն ունի օրենսդրություն, որն ուղղված է փողերի լվացման դեմ պայքարին, եւ դա պետք է հաշվի առնել: Ես ասում եմ, որ մենք կարող ենք օգտվել տվյալ օրենքից եւ ստանալ անհրաժեշտ տեղեկությունը, որը կարող է արդարացված կասկածներ հարուցել: Իսկ ԿԲ-ը նման լիազորություններ ունի: Այլ հարց է, թե ինչու այն չի տրամադրում այդ տեղեկությունը: Այդ պատճառով պետք է հարցը քննարկել ԿԲ-ի հետ, քանի որ ստացվում է, որ ԿԲ-ը նման կարեւոր հարցի առնչությամբ տեղեկություն չի տրամադրում, սակայն ունի լիազորություններ եւ հնարավորություններ: Ձեզ այդ հարցը չի՞ մտահոգում»,- ասաց Թանդիլյանը՝ նշելով, որ ԿԲ-ը կայացած ինստիտուտ է:
Պատգամավորը նկատեց, որ երկրում կան միլիոնավոր բանկային հաշիվներ, եւ մի քանի հարյուր կասկածելի բանկային համաձայնագրերի պատճառով չի կարելի հարվածի տակ դնել կետը, որը պաշտպանում է քաղաքացիների՝ բանկային տեղեկատվության եւ գաղտնիքի իրավունքը:
