Հավաքական անվտանգության պայմանագրի կազմակերպության մասնակից յուրաքանչյուր երկիր 75 զինծառայող կուղարկի Մոսկվա՝ մասնակցելու 2020 թվականի մայիսի 9-ի Հաղթանակի շքերթին։ Այս մասին մամուլի ասուլիսում տեղեկացրել է ՀԱՊԿ Միավորված շտաբի պետ, գեներալ-գնդապետ Անատոլի Սիդորովը, տեղեկացնում է ՏԱՍՍ-ը։
«Պետությունների ղեկավարները հաստատել են զորակազմի մասնակցությունը։ Նախատեսվում է, որ յուրաքանչյուր պետության՝ շքերթին մասնակցող հաշվարկներում 75 մարդ կլինի»,- ասել է նա։