Հայաստանի եւ Ադրբեջանի ԱԳՆ ղեկավարների նման հանդիպումները հայ ժողովրդի ազգային անվտանգությանը սպառնալիք են թաքցնում իրենց մեջ։ Այս մասին NEWS.am-ի թղթակցի հետ զրույցում հայտարարեց Հայաստանի առաջին օմբուդսմեն Լարիսա Ալավերդյանը։
«Դատելով հայտարարությունից՝ ԱԳՆ ղեկավարների հանդիպմանը Արցախի խնդրի հարցով լուրջ քննարկում է եղել, եւ դա ի հեճուկս բոլոր այն հայտարարությունների, որոնք այս ամբողջ ժամանակ անում էր Հայաստանի վարչապետ Նիկոլ Փաշինյանը՝ խոսելով այն մասին, որ այդ հարցը քննարկելու որեւէ մանդատ Երեւանը չունի։ Այս հանդիպումը լիովին հերքում է հայկական ղեկավարության հրապարակային հայտարարությունները, քանի որ 5 եւ 7 ժամ շարունակվող հանդիպումները ակնհայտորեն ուղեկցվել են էական հարցերի քննարկմամբ»,- հավելեց նա։
Նրա խոսքերով՝ հայտարարության տեքստից կարելի է եզրակացնել այն մասին, որ քննարկվել են այնպիսի հարցեր, ինչպես ժողովուրդներին խաղաղության պատրաստելը եւ հետագա կարգավորման համար բազիս ստեղծելը։
«Հարց է ծագում՝ կա՞ արդյոք բանակցությունների սեղանին որեւէ բան, բացի Մադրիդյան սկզբունքներից։ Իհարկե՝ ոչ։ Վրդովվեցնող է նաեւ խաղաղ գործընթացում ոչ թե Արցախի ղեկավարության, այլ Արցախի ժողովրդի ընտրված ներկայացուցիչների ներգրավման անհրաժեշտությունը, այն դեպքում, երբ Հայաստանը պետք է խոսեր դե-ֆակտո եւ դե-յուրե կայացած պետության մասին»,- նշեց իրավապաշտպանը։
Նրա խոսքերով՝ հարցեր է առաջացնում նաեւ այն պնդումը, որ տեղի է ունենում գործընթացի ինտենսիվացում, եւ սպասվում են մրցակցային արդյունքներ։
«Ինչի՞ հիման վրա։ Չէ՞ որ հայտնի է, որ ոչ մի սկզբունք, այդ թվում Մադրիդյան, կողմերի հետ մենչեւ վերջ չի համաձայնեցվել։ Պատասխանատվությունը, որ իր վրա վերցնում է Հայաստանի կառավաությունը, արժի, որ ընթացիկ գործընթացներում ներգրավվի ամբողջ փորձագիտական հանրությունը»,- հավելեց Ալավերդյանը։
Իրավապաշտպանը նկատեց, որ անհասկանալի է նաեւ, թե Արցախի տարածքում ադրբեջանցիների եւ հայերի համատեղ բնակության ինչ տարածաշրջանների մասին է խոսքը։
«Իսկ ի՞նչ եղավ Ադրբեջանից ամբողջովին արտաքսված հայերի խնդիրը։ Որեւէ մեկը բարձրացրե՞լ է այդ հարցը։ Ամբողջ տեղի ունեցողը հակասում է հայ ժողովրդի անվտանգության մասին տեսակետին»,- ընդգծեց Ալավերդյանը։
Առաջին օմբուդսմենը հայտարարեց, որ տվյալ գործընթացը իրավաբանորեն ոչինչ է, քանի որ Հայաստանն ու Ադրբեջանը այլ պետության խնդիրը քննարկելու իրավական հիմքեր չունեն։
«Բացի այդ, չկան համատեղ ընդունված սկզբունքներ, որոնց հիման վրա կարելի կլիներ հասնել փոխզիջման ցեղասպանող պետության եւ ցեղասպանության սպառնալիքի տակ գտնվող ժողովրդի միջեւ։ Խաղաղությանը ժողովուրդների նախապատրաստման մասին ի՞նչ խոսք կարող է լինել նման պայմանններում»,- ամփոփեց Ալավերդյանը։
Հիշեցնենք, որ հունվարի 28-30-ը Ժնեւում ԵԱՀԿ Մինսկի խմբի համանախագահները Հայաստանի եւ Ադրբեջանի արտգործնախարարներ Զոհրաբ Մնացականյանի եւ Էլմար Մամեդյարովի հետ անցկացրել են առանձին եւ համատեղ հանդիպումներ։ Այդ հանդիպումների արդյունքներով ԱԳ նախարարները եւ համանախագահները համատեղ հայտարարությամբ են հանդես եկել։