Ճապոնիայի խոշորագույն ավտոկոնցեռն Toyota-ն ներկայումս իրականացնում է նոր էլեկտրամոբիլի մշակում, որի մարտկոցը հնարավոր կլինի կրկնակի օգտագործել կենցաղում, հայտնում է Nikkei պարբերականը:
Պարբերականի տեղեկություններով՝ երկու մարդու համար նախատեսված կոմպակտ ավտոմեքենան ներկայացվելու է այս տարեվերջին: Նոր ավտոմեքենայի մեջ օգտագործվող մարտկոցի «կյանքի» տեւողությունը հաշվարկված է մի քանի տարի, որից հետո Toyota-ն այն փոխարինելու է:
Աշխատանքն ավարտած մարտկոցները, որոնք լիցքն ամբողջությամբ պահելու ունակությունից զրկվել են, հետո կարելի է օգտագործել կենցաղում, նշում է պարբերականը: Այսպիսի մարտկոցը նույնիսկ ոչ ամբողջական լիցքով կարող է մի քանի օր էներգիա արտադրել, որն անհրաժեշտ է բնակարանի կամ ոչ մեծ մասնավոր քոթեջի լուսավորության ապահովման համար: Մարտկոցները կարելի է օգտագործել նաեւ բջջային սարքերի լիցքավորման համար, հայտնում է պարբերականը:
