Կրասնոդարցի օրենքով գող Վլադիմիր Վոլկովը, որը հանցագործ շրջանակներում հայտնի է Վոլչոկ մականունով, 4 տարվա ազատազրկման է դատապարտվել՝ խարդախության, շորթման, ստրուկներ ունենալու և հանցավոր միությանը մասնակցության համար, հայտնում է «Փրայմ Քրայմ»-ը:
Հաղորդվում է, որ 70-ամյա հեղինակության և նրա յոթ հանցակիցների նկատմամբ դատավճիռը կայացվել է Մայկոպի շրջանային դատարանում 2019 թվականի դեկտեմբերի 27-ին և ուժի մեջ է մտել այս օրերին: Հաշվի առնելով ժամկետը, որը Վոլկովն անցկացրել է հետաքննության տակ, նա ազատ կարձակվի այս տարի:
Վոլկովը խորհրդային տարիներին դատվել էր շորթման համար: Գողական կոչումը քրեական հեղինակությունը ստացել էր 1982 թվականին` քութաիսցի օրենքով գող Ավթանդիլ Չիխլաձեի (Քվեժո) մասնակցությամբ: Այս պահին Վլադիմիր Վոլկովը գործող ամենատարեց սլավոնացի օրենքով գողն է:
