Բոյկոտն էլ է «ոչ», պարզապես սրանով Էդմոն Մարուքյանը փորձում է խուսափել ՀՀԿ-ի հետ նույնացման պրոցեսից: Այս մասին, այսօր՝ փետրվարի 11-ին, լրագրողների հետ զրույցում նշեց ԱԺ փոխնախագահ Ալեն Սիմոնյանը՝ անդրադառնալով ԼՀԿ ղեկավար Էդմոն Մարուքյանի հայտարարությանը, որ իրենք չեն լինելու «ոչ»-ի եւ «այո»-ի ճամբարներում, չեն մասնակցելու պրոցեսին ընդհանրապես:
«Նայց պարոն Մարուքյանը չի հասկանում, որ այս պրոցեսին չմասնակցելը իրեն դնելու է ՀՀԿ-ի հետ նույն զամբյուղի մեջ»,-ասաց նա:
Հարցին, թե ի՞նչ կլինի, եթե ՍԴ դատավորները վերջին պահին հրաժարական տան, նա արձագանքեց. «Ես կողջունեմ այդ քայլը եւ այդ մարդկանց կհամարեմ ՀՀ քաղաքացիների ձայնը լսող, նվիրյալ պետական մարդիկ, որոնք գիտակցում են այն ամենը, ինչ տեղի է ունեցել եւ դրանով լուծում են տալիս խնդրին: Եթե անգամ բոլորը հրաժարվեն, հանրաքվեն կկայանա, բայց ես խիստ կասկած ունեմ, որ Հրայր Թովմասյանը կհրաժարվի պաշտոնից»:
Ալեն Սիմոնյանը համոզմունք հայտնեց, որ հանրաքվեին մասնակցությունը բարձր է լինելու. «650 հազարի մասին խոսք չի կարող լինել, հաստատ շատ ավելին է լինելու: Քարոզարշավը շատ ակտիվ է լինելու, հետաքրքիր է լինելու»:
